GMN TV Sosiedade Pasajeiru RAEOA tauk hamlaha “hola” durante EE

Pasajeiru RAEOA tauk hamlaha “hola” durante EE

0 views

Pasajeiru Rejiaun Administrativa Espesiál Oe-cusse Ambeno (RAEOA) iha Kapital Díli, tauk mate ba hamlaha durante  Estadu Emerjensia (EE), tanba labele fila Oe-cusse liu-liu ró Berlin Nakroma ho Sucsesu labele tula pasajeiru, maibé so bele tula de’it sasán nesesidade bázika, ne’ebé presiza.

“Ami mai iha Portu Díli atu ba Oe-cusse, sira hosi Portu dehan ró labele tula pasajeiru maibé ró so bele tula deit sasan nessesidade bazika, entaun sei hanesan ne’e, ami sei mate hamlaha durante EE. Ami atu han saida? Ami estudante no hela iha kos, se ami la fila ba ami-nia rai se mak fó hahán ba ami”,dehan Jefriano Elo, ba JN-Diário Kinta (23/04/2020) iha  Portu Díli.

Jefriano Elo haktuir, Oe-cusse oan ne’ebé hela iha Díli, balun hela ho ema no balun hela iha kos, tanba ne’e ho situasaun EE sira preokupa ho ai-han lor-loron ba sira, liu-liu sira ne’ebé hela iha kos tauk mate tanba hamlaha tanba deit hahan laiha.

Nune’e mós, Cipriano Eko, hatutan karik governu extende tan EE ba fulan ida, mak hanesan estudante sente preokupa ba sira nia vida, ne’ebé oras ne’e hela deit iha kos no labele fila ba Oe-cusse tanba ró labele tula pasajeiru.

“Ami nia prekupasaun mak ne’e, karik ró labele tula ami pasajeiru fila ba Oe-cusse, ami iha Díli deit ami atu han saida. Oras ne’e ami nia hahan iha kos laiha ona no osan família labele haruka mai tanba ema hosi Oe-cusse mós labele mai Díli”afirma Cipriano Eko.

Nia subliña, situasaun ne’e sira husu ba governu liu hosi Ministériu Transporte no Komunikasaun (MTK) atu fasilita transporte ró Berlin Nakroma ho Sucsesu, semana ida dala ida hodi tula hotu passajeiru sira, ne’ebé hakarak fila ba Oe-cusse, nune’e labele fó impaktu ba sira atu mate hamlaha iha Díli.

Hatan ba preokupasaun pasajeiru sira, Prezidente Portu Díli, Flavio Cardoso Neves, hatete inisiu implementa EE, governu liu hosi MTK deside limita ró Berlin Nakroma ho Sucsesu  tula pasajeiru nain 50 deit hodi kumpri regra sosial distansia.

“Tuir fali mak governu deside ró 2 refere, halo operasaun semana ida dala ida iha loron Domingo, maibé ida ne’e prepara atu tula deit sasan nessesidade bazika hodi ba Oe-cusse no Atauro, agora konaba pasajeiru ami deside tula semana 2 dala ida”.

Prezidente Portu Díli realsa, APORTIL buka hela mekanismu hodi koordena ho MTK no Ministériu Saúde, oinsa atu fasilita pasajeiru estudante sira, ne’ebé atu fila ba Oe-cusse tanba ho situasaun ne’e ami komprende katak, pasajeiru sira presiza fila-fali hamutuk ho família.Fel


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker