GMN TV Sosiedade PR-PM apela ba povu tomak kumpri regra Estadu Emerjénsia

PR-PM apela ba povu tomak kumpri regra Estadu Emerjénsia

0 views

Prezidente Repúblika (PR), Francisco Gueteres Lú Olo, ho Primeiru Ministru (PM), Taur Matan Ruak, apela ba povu tomak tenke kumpri regra Estadu Emerjénsia, ne’ebé Governu implementa ona hodi prevene transmisaun Corona Virus Disease 2019 (COVID-19).

Xefe Estadu husu ba sidadaun hotu mantein hodi kumpri Estadu Emerjénsia ho objetivu atu proteje sidadaun hotu husi COVID-19.

Governu Timor-Leste vigora iha situasaun Estadu Emerjénsia iha loron 28 fulan marsu no sei remata iha loron 27 fulan abril tinan ne’e.

PR Lu-olo hatutan katak, ho natureza jurídika ne’e, ema hotu iha obrigatóriu atu kumpri regulamentu Estadu ni’an ne’e, hodi halo prevensaun ba surtu refere, no sidadaun sira ne’ebé mak kontra regra ne’e sei hetan nia konsekuensia.

“Nu’udar Prezidente Repúblika ha’u apresia tebes povu tomak nia responsabilidade no disiplina hodi simu no halo tuir medida sira ne’ebé governu foti, maske dala ruma iha dezentendimentu ka defikuldade balun, ha’u apela ba povu tomak, instituisaun públika no privada sira no sidadaun ida-idak atu nafatin simu no halo tuir medida sira ne’ebé mak governu foti hodi implementa Estadu Emerjénsia, iha tempu susar ida ne’e, laiha ema ida bele prevê wainhira maka pandemia ida ne’e bele hotu, nune’e importante liu mak tau ita hanoin no esforsu tomak hamutuk hodi hapara Coronavírus nia transmisaun”, afirma, Prezidente Repúblika (PR), Francisco Guterres Lú Olo, iha Palásiu Prezidensial Nicolau Lobato, Bairro-Pite, Kuarta (08/04/2020).

Prezidente Repúblika ne’e aprofunda katak ho situasaun ne’e, Parlamentu Nasionál aprova ona orsamentu ho montante tokon USD 250 hodi hasoru situasaun emerjensia ne’ebé mak la’o ona iha rai laran.

Tanba, tuir Xefe Estadu ne’e, COVID-19 hanesan inimigu bo’ot ba nasaun Timor-Leste, tanba ne’e presiza ema hotu nia esforsu hodi kombate pandemia ne’e.

Alende ne’e, Xefe Estadu Francisco Guteres Lú Olo, dekreta Estadu Emerjénsia iha loron (27/03/2020)no sei termina iha loron (28/04/2020) tinan ne’e.

Nune’e mos, Primeiru Ministru (PM), Taur Matan Ruak, apela ba sidadaun hotu atu kontinua kumpri regra Estadu Emerjénsia (EE), hodi halo meditasaun iha uma durante selebrasaun festa paskua.

Relasiona ho surtu coronavírus ne’ebé mak hamate ona ema rihun ba rihun iha mundu, inklui Timor-Leste mós rejista ona kazu ida ho pozitivu Corona vírus.

Tanba ne’e, Xefe Governu husu ba kristaun katólika, atu lao tuir nafatin regra situasaun Emerjénsia, hodi selebra paskua iha ida-idak nia fatin.

“Iha loron paskua loron importante los, loron família sira ni’an infelizmente tinan ne’e ita nia festa la hanesan babain, tanba moras ida ne’ebé agora la’o iha mundu no ita timor mós la’o la ses husi moras ida ne’e, tanba ne’e há’u husu ba sidadaun sira hotu kontinua nafatin kumpri regras mais iha uma halo meditasaun husu maromak atu tulun ita ida-idak, ita nia família sira no li-liu ita nia nasaun hases moras ne’e mai ita no ita nia família sira”, dehan, Primeiru Ministru, Taur Matan Ruak, iha Palacio Prezidensial Bairo-Pite Kuarta (08/04/2020).

Enkuantu tuir dadus atualizadus iha nível  mundiál ema tokon 1,425,803 mak infetadu, husi numeru ne’e ema 81,972 no ema 301, 828 mak rekopera ona.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker