GMN TV Sosiedade Reitór UNTL: Dosente kontratadu transversal 34 semana ida ne’e simu saláriu fulan 2

Reitór UNTL: Dosente kontratadu transversal 34 semana ida ne’e simu saláriu fulan 2

0 views

Relasiona ho dosente kontratadu transversais Universidade Nasional Timor Lorosa’e (UNTL), salariu fulan Marsu nian tarde, tamba ne’e, Reitór UNTL Francisco Martins hatete, konsellu jestaun no finansas UNTL, hahú prosesu salariu, no iha semana ida ne’e, dosente sira sei ne’e simu salariu fulan Marsu no Abril.

Reitór UNTL Francisco Martins,esplika salariu ba dosente iha UNTL tarde tamba, pakote orsamentu husi governu mai universidade tarde, no dosenti sira hatama, relatoriu servisu no lista prezensa tarde ba Finasas UNTL.

“Ha’u hanoin katak, salariu ba dosente sira hahú prosesu ona, no iha semana ida ne’e, dosente sira sei simu salariu fulan Marsu no Abril nian, tamba konsellu jestaun no finansas UNTL halo ona preparasaun, no dokumentus sira ha’u asina ona, hatama ona ba sistema,” afirma, Reitor UNTL, Francisco Miguel Martins, iha nia kna’ar fatin, Tersa (07/04/2020).

Francisco subliña, iha fulan Fevereiru no Marsu nian, profesores kontratadus internasional labele selu lai tamba, orsamentu la to’o no fó hatene ona ba profesores hirak ne’e, atu aguenta ituan bainhira governu definitivu iha ona, no fila ba uza Orsamentu Jeral Estadu, hafoin selu fila fali, iha fulan ne’ebé sira seidauk simu, sei la lakon.

OJE tenki implementa tuir prosedimentu formal no legal husi OJE, tamba depende ba orsamentu pakote doudesimu ne’e fó ba UNTL iha sá loron, hafoin ida ne’e mak halo prosesu, dalaruma governu haruka pakote ne’e mai, iha fulan klaran.

Reitór UNTL Francisco Martins mós rekoñese, iha UNTL rekursu umanu iha area finansas ituan, maibé profesores sira barak, no liña komunikasaun faila sistema mós la lao, la’os dehan katak la prosesu sira nia salariu maibé, prosedimentu husi orsamentu tenki tuir lolos.

“Tanba ne’e sira ne’ebé la simu salariu, tanba hatama relaroriu servisu no lista prezensa tarde no inkamiña ba finansas mós tarde, no finansas labele halo milagre, sé sira la hatama dalan atu selu sira ne’e laiha, maibé osan ba sira iha, ida ne’e universidade Estadu nian, tamba ne’e tenki lao tuir prosedimentu legal OJE,”afirma, Reitor UNTL ne’e.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker