GMN TV Sosiedade Rezultadu hosi manu aten, COVID-19 la tama iha Timor-Leste

Rezultadu hosi manu aten, COVID-19 la tama iha Timor-Leste

0 views

Lia na’in sira husi uma lisan, Kaikoli Rúmbia Lakoto, Suku Balibar Munisípiu Díli, halo serimonia ritual hodi satan propagasaun covid-19 tama mai Timor-Leste, no rezultadu hosi ritual manu aten hatudu, covid-19 la tama iha Timor-Leste.

“Rezultadu hosi manu aten, husi rituál uma lisan Kaikoli Rúmbia Lakoto hatudu katak, propagasaun covid-19 sei la daet mai Timor Leste”, dehan Lian nain, João Saldanha, ba JN-Diário Segunda (06/04/2020) iha Lahane Balibar Díli.

Lia na’in haktuir, objetivu hosi ritual ne’e, atu husu ba be-ala no forsa natureza Timor nian atu bele satan netik moras covid-19 tama mai Timor-Leste, tanba tuir lia nain sira moras refere daet ona ba mundu tomak.

“Ami garante moras covid-19 sei iha deit estranjeiru, hodi la tama mai Timor, tanba Timor-Leste iha rai lulik, ne’ebé hamriik metin hodi satan moras refere, maibé fila-fali ba maromak karik aman maromak mak hakarak moras ne’e tama mai Timor”.

Komunidade Aldeia Lakoto, António Saldanha, hateten sente orgullu ho inisiativa hosi lian na’in sira, ne’ebé hamulak ona ba rai-lulik no matebian sira, atu prevene moras covid-19, nune’e komunidade bele sente seguru.

Ritual ne’ebé lia nain sira halo, ami espera bele covid-19 sei la tama duni iha Timor, nune’e ami povu kiik bele sente seguru  tanba ho orientasaun hosi Estadu, ami kumpri maibé liu hosi ritual ne’e mós ami bele sente seguru liu tan”, dehan António Saldanha.

Nia afirma, ita la hatene saida mak virus covid-19 ne’e, tanba ne’e lakoi virus ne’e tama mai Timor hodi halo ema tenke lakon vida, entaun ho ritual ne’ebé lia nain sira halo bele haruka fila virus ne’e ba ema nain, ne’ebé halo virus hodi espalha ona ba mundu no hamate ona ema barak.Fel


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker