GMN TV Sosiedade Sérgio Lobo : Audio 2 ne’e lo’os maibe tenki halo interpretasaun

Sérgio Lobo : Audio 2 ne’e lo’os maibe tenki halo interpretasaun

0 views

Porta voz Sentru Integradu Jestaun Krize (SIJK),doútor Sergio Lobo haktuir, audio rua husi sidadaun rua ne’ebé  izola hela, iha fatin izolamentu Vera Cruz, ne’ebé hatete sira la hetan tratamentu, husi médiku sira no sira mós, hela hamutuk iha sala ida ida lo’os maibé prezija halo mós interpretasaun liu husi faktus ne’ebé iha.

“Ami hakarak mós halo klarifikasaun ba notisia balun ke sai viral agora, prinsipalmente iha gravasaun rua ne’ebé sai viral iha whats-ap, iha ida autór lamenta kolega sira pozitivu ne’e la hatudu moras ida, laiha moras ida, sira  nia suhu normal la hasai sira ran ida, la hatene, tanba-sa maka ema saúde derepente tau sira pozitivu tiha, iha fali gravasaun seluk autór informa katak ema sira ne’ebé halo izolamentu ne’e toba hamutuk deit, la halo buat ida, la halo tratamentu buat ida, la simu aimoruk ida, la hatene lo’os ne’e izolamentu ga la’os izolamentu, lo’os duni ha’u bele konfirma duni, husi ne’ebé sira aprezenta ne’e lo’os, maibe interpretasaun maka sala, interpretasaun ba faktus ne’e maka sala,” deklara, Sérgio Lobo, ba jornalista sira, Sabado(18/04/2020) iha Centru Convenções Dili.

Eis Ministru Saúde iha Kintu Governu ne’e esplika, teste ne’ebé maka parte saúde halo ba ema hirak ne’ebé pozitivu ne’e la’os husi ran, maibé liu husi kaben tasak, ne’ebé iha pasiente nia garganta, no mós inus laran.

“Jadi teste halo ba iha Hotel katuas ne’e la’os ba ema suspeitu deit teste ne’e halo tanba relasiona ho kazu pozitivu ida iha ne’eba, i teste ne’e halo ba okupantes hot-hotu iha Hotel katuas ne’e, ema sira konfirmadu, ema sira kuarentena mós halo teste, pesoal saúde ne’ebé halo servisu iha ne’eba mós halo teste, funsionariu sira iha ne’eba mós halo teste hotu, i teste ne’e mos la’os hasai ran, teste ne’e halo husi Swab hasai amostra, tuir gravasaun ke 2, sira barak ba izolamentu ne’e la senti moras ruma diak hela, lo’os duni, izolamentu ne’e la’os deit ba ema sira ne’ebé hatudu moras deit, izolamentu mos ba ema hirak ne’ebé teste pozitivu,”esplika, Sérgio Lobo.

Tuir dadus husi Sentru Intregradu Jestaun krize, iha loron Sabado (18/04/2020), Timor-Leste rejista kazu pozitivu 18, no nain 1 rekopera, negativu 195, ema ne’ebé hein rezultadu 97.Jen


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker