GMN TV Nasional PSHT “kondena” Pedro Aparício insulta Xanana

PSHT “kondena” Pedro Aparício insulta Xanana

509 views

Estrutura Organizasaun Persaudaraan Setia Hati Terate (PSHT) Munisípiu Baucau, kondena deklarasaun Sekretáriu Jerál PSHT, Pedro Aparício, ne’ebé ataka personalidade Líder Nasionál Kay Rala Xanana Gusmão no José Manuel Ramos Hortal, atual kandidatu Prezidente Repúblika 2022-2027.

Porta-Voz PSHT Munisípiu Baucau, Diamentino de Assis, hatete, rejeita totál deklarasaun Pedro Aparicio ne’ebé deklara a’an nu’udar Sekretáriu Jerál PSHT hodi hasai lia-fuan kro’at no insulta Komandante Em Xefe FALINTIL, Kay Rala Xanana Gusmão.

No konsidera deklarasaun Sekretáriu Jerál PSHT ne’e hanesan aktu immorál ida, tanba lakon respeita ba líder nasionál sira.

“Membru estrutura PSHT Munisípiu Baucau ne’ebé mak husi organizasaun artemarsiáis PSHT hakarak informa ba públiku no povu Timor-Lorosa’e tomak, ami kondena maka’as aktu immorál ne’ebé hasai husi señor Pedro Aparicio hodi naran Sekretáriu Jerál PSHT Timor-Leste,”deklara Porta-Voz PSHT Munisípiu Baucau Diamentino  de Assis, ba jornalista sira Domingu (17/04/2022), liuhusi Konferénsia Imprensa iha Triloka, Postu Administrátivu Baucau, Munisípiu Baucau.

Porta-Voz ne’e afirma, deklarasaun Pedro Aparício nian ne’e kontra estatutu Organizasuan arte marsial PSHT ninian, ne’ebé koalia momos katak, bandu membru arte marsial lori naran PSHT ba vida polítika ne’ebé hakerek iha estatutu orgánika PSHT iha tinan 2009, artigu 5 kona-bá natureza PSHT Timor-Leste nian.

Maibé estatutu PSHT la taka dalan ba membru PSHT ida-idak atu envolve a’an iha vida polítika hanesan sidadaun, konforme ida-idak nia eskolla no konsiénsia rasik.

“Estrurura PSHT Munisípiu Baucau mós husu señor Pedro Aparicio atu halo klarifikasaun ba públiku sobre esteitmentu ne’ebé nia fó sai ona ho fuan bo’ot atu husu deskulpa ba pesoál Maun Boot Xanana no José Manuel Ramos Horta no família boot husi Maun Boot Xanana Gusmão, Veteranus no públiku em jerál”

“Husu mós ba Prezidente PSHT Timor-Leste no konsilleiru PSHT ho nia estrutura tomak atu konsidera no toma desizasaun ruma ba señor Pedro Aparicio hanesan Sekretáriu Jerál PSHT” sujere Diamentino.

Estrutura PSHT Munisípiu Baucau hato’o mós deskulpa ba povu Timor tomak.

“Ami PSHT  hato’o ami-nia deskulpa ba povu Timor-Lorosa’e tomak ba Maun Boot Kay Rala Xanana Gusmão no família tomak no José Manuel Ramos Horta, kompañeiru Asanami no família” tenik.

Konselleiru PSHT Munisípiu Baucau, Arlindo Belo, dehan, deklarasaun Pedro Aparício hasoru líder nasionál ne’e nu’udar individu, la’os reprezenta organizasuan, tanba estatutu la fó dalan atu politiza.

“Tanba ne’e mak señor Pedro dehan nia Baucau nia oan, ami husi estrutura Bauccau, la satisfas linguajen ne’ebé nia prega hela ba lideransa tomak, tanba nia la reprezenta estrutura PSHT Munisípiu Baucau. Loos  duni durante Pedro Aparicio nia nu’udar Sekretáriu Jerál nia mak defende maka’as organizasaun PSHT, atu hateten ba públiku katak, nia iha obrigasaun defende organizasaun tanba nia nu’udar Sekretáriu Jerál. Tanba ne’e mak ami estrutura PSHT Munisípiu Baucau husu ba nia labele politiza organizasaun ba iha fatin ne’ebé de’it ” afirma Arlindo Belo.

Antes ne’e mós Organizasaun Juventude Rezisténsia Fuan Domin, kondena maka’as aktu no deklarasaun ne’ebé hasai husi Pedro Aparício, tanba ataka personalidade no privasidade líder rezisténsia Kay Rala Xanana Gusmão.

Sekretártiu Jerál Organizasaun Rezisténsia Fuan Domin, Sergio Elidio Borges de Deus, husu ba atuál Sekretáriu Jerál PSHT Timor- Leste, Pedro Aparício, atu husu deskulpa ba Xanana Gusmão iha públiku, kona bá  deklarasaun ne’ebé viral iha média sosial.

Deklarasaun Sekretáriu Jerál PSHT, Pedro Aparicio ne’ebé sai viral iha rede sosiál ne’e, la’os de’it hetan kritika no kondenasaun husi membru PSHT, maibé “netizen” barak mós hato’o sira-nia lamentasaun hodi responde deklarasaun Pedro Aparício liuhusi rede sosiál.avi


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker