GMN TV Sosiedade Ahi han motuk uma rua ho transporte

Ahi han motuk uma rua ho transporte

0 views

Ahi han uma rua,  kareta Honda Jazz ida ho tan Motor Mio ida iha Aldeia Moris Foun, no mos osan US$ 4000, iha Suku Comoro-Díli,   Sesta (26/05/18),  tuku 03 liu OTL madrugada. Maske nune’e iha akontesimentu ne´e la rezulta ema ruma kanek ka mate.

Vítima husi insendiu presta ona deklarasaun iha Eskuadra Dom Aleixo Comoro,  maske seidauk deskobre kauza husi insendiu ne´e husi saida no Polísia oras ne’e hala´o hela investigasaun.

Vítima Nidia Soares Pereira Matos, informa, insendu akontese iha madrugada bainhira nia sei toba dukur hela. Ho ahi ne´ebé lakan derepenti halo Nidia la konsege salva osan dolar Amerikanu 4000 no sasan  uma laran hotu.

``Ha´u toba hela derepenti rona tarutu loke odamatan haree ahi lakan tiha  ona, ne´ebé  ha´u labele salva  buat ida, ha´u fanun de´it ha´u-nia oan, ami nain rua haksoit sai husi janela de´it,``esplika vítima Nidia Soares Pereira Matos ba GMN, Sabadu (26/05/18), hafoin presta deklarasaun iha Eskuadra Dom Aleixo, Comoro, Díli.

Tuir Nidia, akontese ahi han  uma rua  ne´e ekipa Bombeiros tula bé to´o tarde iha fatin akontesimentu  hodi hamate ahi. “Se Bombeiros to´o  sedu oitaun ahi sei la han kareta Honda Jazz  ne´ebé mak para hela iha uma oin. Bombeiros  konsege hamate duni ahi balun sei lakan, maibe sasan hotu ami labele salva, mas la buat ida tanba iha oras deskansa nian, ne´ebé ami la fó kulpa ba sira,``dehan Nidia.

Nidia  husu  Governu atu tau matan ba nia ho nia oan sira, tanba nia hanesan  ema mak faluk, maibe ho faluk ida ne´e nia servisu hodi sustenta moris lor-loron nian iha vida família uma laran.

``Ha´u husu de´it ba Governu karik bele ajuda ha´u hodi hadia  fali ha´u-nia uma atu nune´e ha´u-nia oan bele hela hodi hala´o fali nia moris husi zero ba oin fali,”dehan Nidia.

Ministériu Solidaridade Sosial halo ona observasaun no fó ona ajudus hanesan terpal, ikan lata ho sasan seluk tan.

To´o notísia ne´e hatun, GMN seidauk hetan konfirmasaun husi parte Polísia.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker