GMN TV Sosiedade Governu anteriór la konsege implementa akordu ne’ebé asina ona

Governu anteriór la konsege implementa akordu ne’ebé asina ona

0 views

Foto:GMNTV

Ministériu negosius Estranjeiru no Kooperasaun Aurélio Guterres hateten, governu anteriór la konsege implementa akordu balun ne’ebé asina ona ho nasaun liur.

Tanba ne’e nia hateten, durante asume knar nu’udar Ministru Negosius Estranjeiru no Kooperasaun, kontinua koordena ho ministériu relevantes sira hodi reforsa implementasaun ba akordu hirak ne’ebé governu anteriór halo ona ho países estranjeiru sira.

Maski nune’e maibé Ministru Negósius Estranjeiru ne’e, la esplika detalles konaba akordu ne’ebé mak Governu anterior asina tiha ona.

“Governu uluk ita halo akordu barak, i akordu barak ke ita la to’o atu implementa, ne’ebé ita reforsa de’it akordu seluk ne’ebé durante ne’e ita asina tiha ona no oinsa mak ita implementa. Akontese ke ita halo akordu barak maibé ita la konsege implementa, ne’ebé ita reforsa deit implementasaun akordu sira ne’ebé mak ita asina,”hateten Aurélio Guterres ba jornalista sira hafoin relata relatóriu servisu MNEC nian ba Prezidenti Repúblika, Francisco Guterres Lú Olo iha Palásiu Prezidensiál Bairu Pite Díli, Tersa (29/5).

Nia argumenta, akordu hirak ne’ebé sira kontinua reforsa iha implementasaun mak hanesan iha área defeza no seguransa, saúde, edukasaun, komérsiu no indústria. No iha setór ekonomia, dezenvolvimentu infraestrutura, setór boa governasaun, reforsu dezenvolvimentu internasionál, kapasitasaun ba rekursu humanu no seluk tan.

Iha okaziaun ne’e nia mós rekomenda ba governu foun, liu-liu Ministériu Negósius Estranjeiru no Kooperasaun mai atu bele tau matan hodi dezenvolve instituisaun ministériu ne’e rasik, liuhusi formasaun ba rekursu humanu.ías


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker