GMN TV Sosiedade Povu selebra restaurasaun indepensia ho simples

Povu selebra restaurasaun indepensia ho simples

0 views

Selebrasaun restaurasaun independensia Timor-Leste nian ba dala 16, Governu no povu Timor-Leste selebra ho simples kompara ho tinan hirak sira liu ba nakonu ho aktividade desportu, komersiu, konsertu muzika ne’ebe anima husi artista rai liur no tiru fugetis, inklui konvidadus estranjeru hodi partisipa insar bandeira nasional.

Maibe tinan ne’e, setimu Governu deside komemora loron restaursaun independensia ho insar bandeira nasional iha Palasiu Governu no inaugura ho asina plaka Praça Proclamação da Independência, inklui konsertu muzika ne’ebe anima husi kantor Timoroan.

Plaka Praça Proclamação da Independência ne’ebé konstrui iha tinan kotuk 2017, inaugura husi Prezidenti da Repúblika Francisco Guterres Lu-Olo.

Plaka nee simboliza fatin ne’ebé primeira vez Timor-Leste proklama ninia independénsia iha tinan 1975.

Hahu loron 20 fulan Maiu tinan ne’e, palasiu Governu hanaran Praça Proclamação da Independéncia.

Relasiona ho komemorasaun ne’e, komunidade iha esperansa bo’ot ba ukun nain sira atu dezenvolve nasaun ne’e ba futuru ida nabilan.

Marcos da Cruz nudar sidadaun ne’ebé partisipa iha seremónia ne’e hateten, nudar sidadun tenki respeita loron importante hodi mai partisipa atu hanoin hikas fali martires da pátria sira nia luta hodi sosa liberdade.

 “Mai ita mantein paz no estabilidade hodi hanoin ba futuru ida ne’ebe nabilan, haburas ita nia demokrásia hodi nune’e, hotu-hotu bele iha oportunidade ba sira ninia vida moris no importante liu ita nia nai ulun bo’ot  sira presiza servisu hamutuk, hodi fó liman ba malun atu kontribui ba ita nia dezenvolvimentu país ninian. Tamba ita haree katak ita nia dezemvolvimentu ne’e seidauk la’o ho di’ak, entaun presiza ita nia esforsu tantu joventude no povu tomak ita hamutuk tane aas ita nia dezemvolvimentu hodi nune’e hotu-hotu bele iha oportunidade ba iha futuru ninian,” dehan Marco da Cruz iha Palasiu Governu Dili, foin lalais ne’e.

Tuir Ana do Rosário ‘Bui-kiak’ materestu 12 de Novembro, sente kontente no nia husu ba ukun na’in sira atu ukun povu ho kontente no susesu.

 “Hau hakarak atu nain ulun sira ukun povu ho di’ak, tau matan ba sira ne’ebe faluk no kiak,” dehan Ana.

Nune’e mos Calistro Cono nudar jovem senti kontenti hodi sai parte iha selebrasaun ne’e.

 “Ba hau partisipasaun komunidade iha selebrasaun tinan ne’e ho tinan kotuk nian diferente tamba tinan ne’e menus liu,” dehan Calistro.

Plaka nee simboliza fatin ne’ebé primeira vez Timor-Leste proklama ninia independénsia iha tinan 1975.

Hahu loron 20 fulan Maiu tinan nee, palasiu Governu hanaran Praça Proclamação da Independéncia.Ana


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker