GMN TV Diarío Selebra loron mundial imprensa, Saláriu jornalista sai preokupasaun komunidade média

Selebra loron mundial imprensa, Saláriu jornalista sai preokupasaun komunidade média

0 views

Komemorasaun loron mundial imprensa iha Timor-Leste, saláriu jornalista sai preokupasaun ba komunidade média hanesan Asosiasaun sira, Konsellu Imprensa (KI) no Universidade Nasional Timor-Lorosa’e (UNTL), tanba maske jornalista sira-nia servisu todan tebes no la haree ba oras, maibé saláriu ne’ebé jornalista sira simu kada fulan mínimu liu.

Diretur Departamentu Komunikasaun Sosial UNTL, hanesan mós eis Jornalista senior, Marcelino Ximenes Magno, preokupa tebes ho kondisaun ida ne’e, no konsidera jornalista sai vítima ba sira-nia profisionalizmu rasik.

 “Ami akompaña situasaun jornalista iha terenu durante ne’e, Governu no média privadu sira seidauk fó kondisaun di’ak ba jornalista sira ho dignu, ida ne’e bele fó impaktu negativu ba jornalista sira atu hala’o sira-nia kna’ar ho di’ak. Tuir ha’u nia haree katak, infra-estutura bázika ne’ebé mak jornalista sira hetan, ladun Apoiu másimu, tanba saláriu mínimu tebes”, hateten  Marcelino Ximenes Magno ba Jornalista sira hafoin hala’o marsa da paz iha Palásiu Governu nia oin, Sesta (03/05).

Marcelino afirma, durante ne’e Governu no média privadu sira seidauk haree kondisaun jornalista nian, tanba jornalista barak mak saláriu mínimu, laiha tratamentu ne’ebé ho dignu, tanba saláriu jornalista nian hanesan ema kliner sira nian ne’eduni husu ba Governu ho média privadu sira atu tau konsiderasaun hodi bele rezolve situasaun ida ne’e.

Iha fatin hanesan, Prezidenti Komisaun organizadora, Elias da Costa informa, laiha liberdade imprensa mak laiha demokrásia iha Timor-Leste, tanba laiha liberdade oinsa mak sidadun sira atu espresa sira nia hanoin.

Komemorasaun  Loron Mundial Imprensa tinan ne’e, Dosente no Estudante Universidade Timor lorosa’e, Departamentu Komunikasaun Sosial, organiza  hala’o atividade semináriu, no kontinua selebra ho misa iha Igreja Katedral Díli,  no iha loron 3 fulan ne’e, dosente no estudante sira hala’o atividade long Mars husi kampus faspol Caicoli ba iha Palásiu Governu nia oin, hodi tau aifunan ba matebian Jornalista sira ne’ebé mate iha tempu okupasaun Indonézia.

Nune’e mós Prezidente Konsellu Imprensa (KI), Virgilio Guterres, hateten, KI prontu atu koopera ho sindikatu jornalista sira, inklui Governu hodi dezenvolve di’ak liu tan kualidade jornalista sira iha futuru.

Alende ne’e, KI mós realiza seminariu ida iha salaun São Miguel Arcanjo, ne’ebé eis jornalista Adelino Gomes mós sai orador iha semináriu refere .aba


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker