GMN TV Sosiedade Komunidade preokupa ho situasaun polítika atuál

Komunidade preokupa ho situasaun polítika atuál

0 views

Komunidade aldeia Caisabe, suku Camea, postu administrativu Cristo Rei, Munisípiu Díli, agradese ho apoiu ne’ebé ekipa Asosiasaun Brigada Xanana Gusmão fó apoiu ona hahan nesesidade bázika, tanba durante Estadu Emerjénsia (EE) komunidade kbi’it la’ek barak mak hetan sofrementu.

“EE halo povu Timor laran book an la di’ak, durante fulan hirak nia laran ami sente triste, ami lakon vontade, pelu menus ai-leba ruma tun ba mak ahi moris, hahan saida mak iha ne’e, iha ne’e laiha”, Komunidade Caisabe hato’o preokupasaun ne’e hafoin, Asosiasaun Brigada Xanana Gusmão halo asaun karidade ba komunidade kbi’it la’ek sira iha suku Camea-Díli, Segunda (18-05-2020).

Alende ne’e komunidade sira mós preokupa ho situasaun polítika atuál, halo komunidade kbi’it la’ek barak mak la asesu ba merkadu hodi fa’an sira-nia produtu, nune’e sira husu ba líder istóriku sira atu fó liman ba malu hodi dezenvolve Timor-Leste ho di’ak.

“Uluk ami terus, tama sai mota kuak no hamlaha, maibé agora nai-ulun sira tenke ser fó liman ba malu hanoin ba povu ba, ukun di-di’ak ba, labele han malu bei-beik ami povu ba tan ne’ebé, ami nonton iha televizaun boot sira ko’alia la-han malu, tanba ne’e, ami povu husu imi fó liman ba malu, fó neon ba malu hodi ukun povu no nasaun Timor ne’e”, husu komunidade ne’e.

Entretantu Xefe aldeia Kaisabe, Carlos de Jesus Sarmento, hateten, EE no situasaun polítika fó impaktu boot ba ekonómia família nian, tanba komunidade susar atu asesu ba merkadu.

“Ita-nia EE seidauk hotu, nusa imi la tuur hamutuk lai ba, EE hotu tiha lai ba mak imi hadau malu ukun poder ne’e, maibé la hanoin katak durante fulan rua ne’e EE bandu komunidade labele asesu ba área merkadoria ne’e, ba área rural sira hanesan ne’e difísil uitoan, tanba sira ba merkadu mak bele hetan rendimentu”, hatete Xefe Aldeia Caisabe ne’e.

Porta-Voz Asosiasaun Brigada Xanana, dehan, asaun karidade ne’e hodi tulun komunidade kbi’it la’ek sira, tanba durante periódu EE halo komunidade barak mak sente susar atu hetan hahan.

Entretantu komunidade aldeia Kaisabe ne’ebé hetan apoiu solidariedade, hamutuk família 149.

Sasan nesesidade bázika ne’ebé apoia ba komunidade Caisabe hanesan, foos, mina, rinso, ikan lata (sardina-red) no selu-seluk tan. san


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker