GMN TV Sosiedade PR Lú Olo fó parabens ba povu TL,Gloria rohan la’ek ba martires

PR Lú Olo fó parabens ba povu TL,Gloria rohan la’ek ba martires

0 views

Komemora loron restaurasaun Independensia 20 de Maiu ba dala 18, Prezidente Repúblika (PR) Francisco Guterres Lú Olo, fó parabens ba povu Timor-Leste(TL) no Gloria rohan l’aek ba martir sira.

Lia hirak ne’e hato’o, liu husi mensajen Estadu fó votus parabéns ba povu tomak Timor -Leste nia vitória.

Alénde ne’e, Xefe Estadu fó homenajen ba heroi sira ne’ebé sakrifika sira nia-an, hodi luta ba libertasaun rai doben Timor-Leste.

Maske, Governu la halo seremonia hanesan bai-bain, tanba Estadu Emerjénsia, relasiona ho COVID-19, maibé liu husi diskursu, Xefe Estadu hato’o ba povu  tomak, atu fó valór nafatin no gloria rohan laek ba heroi sira país ida ne’e nian.

“Parabens ba povu Timor-Leste tomak no Gloria eterna ba ita nia érois no martires, ohin ita selebra valor bo’ot sira husi ita nia éroi sira, sira nia sakrifisio sira nia dedikasaun tomak, tinan-tinan iha 20 de Maiu ita tenke fó hanoin nafatin valor sira ne’ebé ita nia éroi sira kuda iha tempu libertasaun nasional no ita hatutan bebeik ho orgullu no fiar husi jerasaun ba jerasaun”, dehan, Prezidente Repúblika, Francisco Guterres Lú Olo, liu husi diskursu Estadu, iha Palasiu Prezidensial Nicolau Lobato, Bairro-Pite, Kuarta (20/05/2020).

Ho komemorasaun loron nasionál Timor-Leste ne’e, Governu propoin ba Xefe Estadu, fó deit mensajen ba povu tomak, tanba dadaun ne’e, Governu iha hela situasaun Estadu Emerjénsia, relasiona ho surtu COVID-19, nune’e, sidadaun hotu bele proteje-an husi pandemia ne’e.

Enkuantu, iha diskursu ne’e, komandante supremu forsa armada no símbolu unidade nasionál ne’e, apela ba sidadaun hotu, atu sosa produtu lokál iha situasaun atuál, nune’e bele motiva nafatin toos na’in sira, hodi hasa’e produsaun agríkula iha rai laran.Ina


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker