GMN TV Sosiedade Vítima dezastre natural 229 ladauk hetan apoiu emerjénsia

Vítima dezastre natural 229 ladauk hetan apoiu emerjénsia

0 views

Sekretáriu Estadu Protesaun Sivíl (SEPS), Alexandrino Xavier Araújo, hateten, apoiu emerjénsia ba vítima dezastre naturais ne’ebé akontese iha fulan hirak liu ba kompleta ona, maibé vítima ou família hamutuk 229, mak seidauk hetan apoiu, tanba evakua hela ba munisípiu, hodi prevene-an husi surtu Corona Virus Disease 2019 (COVID-19).

“Husi situasaun ida ne’e, ekipa protesaun sivíl ne’ebé kompostu husi Governu, ajensia no mós husi ministériu hotu-hotu no mós individu balun no fó kontribuisaun boot hodi kontinua fó apoiu ba apoiu emerjénsia ba ita-nia populasaun ne’ebé mak afeta ba iha dezastre naturais ne’e, husi dadus ne’ebé maka xefe família hamutuk 4681 ho suku 17, ita kompleta ona, fahe ona apoia emerjénsia hotu kedan iha Sexta-Feira liu-bá, maibé ita fó apoiu kompleta ona 4452, hela restu 229 família mak seidauk, tanba ekipa ba iha sira-nia fatin, tanba situasaun COVID-19 sira hotu desloka ba iha foho, maibé ita prepara nafatin sasan ne’ebé apoiu ba sira”, SEPS ne’e liu husi konferénsia imprensa ne’ebé hala’o iha edifísiu Sekretária Estadu Protesaun Sivíl, Caicoli-Díli, Segunda (04-05-2020).

Alexandrino akresenta, husi parte protesaun sivíl foin simu tan dadus foun husi suku balun iha munisípiu Díli, família hamutuk 575 mak seidauk hetan apoiu emerjénsia.

Maibé parte protesaun sivíl sei verifika fali, dadus foun ne’ebé parte autoridade lokál balun aprezenta ba SEPS.

Entretantu dadus ne’ebé protesaun sivíl iha hamutuk família 4681, kompostu husi suku 17 no postu administrativu hat (4), iha munisípiu Díli.

Sasan nesesidade báziku sira ne’ebé durante ne’e apoiu ba vítima dezastre naturais ne’e, apoiu husi Governu, sosiedade sivíl, organizasaun internasionál, asosiasaun relijioza, empreza no loja balun iha munisípiu Díli. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker