GMN TV Nasional Milena Pires: Presiza haree kualidade feto iha vida polítika

Milena Pires: Presiza haree kualidade feto iha vida polítika

130 views

Líder Feto Timor-Leste Milena Pires hatete, durante tinan 20 nia laran, partisipasaun feto iha vida polítika di’ak tebes ho númeru, maibé presiza hadi’ak kualidade no substánsia.

Milena Pires afirma, la’os dehan feto maluk sira ne’ebé dadaun ne’e involve an iha vida polítika ne’e mak laiha kualidade, maibé Governu mak presiza haboot polítika, lei no programa sira ho di’ak liu tan ba feto hotu-hotu.

“Ha’u hakarak dehan mak ita presiza tradús númeru ne’ebé ita komesa haboot tuir polítika leis no programa ne’ebé kontribui atu hadia feto nia moris. Ida ne’e mak ita sei falta. Karik iha Parlamentu importante loos agora ita iha orsamentu bazeia ba jéneru, mais ita presiza haree ba dok hanesan Lei Violénsia Doméstika importante tebes atu proteze feto,” dehan Reprezentante Permanente Timor-Leste nian Organizasaun Nasaun Unida, Milena Pires, hafoin partisipa iha Bebora, Díli, Segunda (02/04).

Fundadora Organizasaun Naun Governamentál Caucus, Terezinha Cardoso, orgullu tebes ho partisipasaun feto iha vida polítika ne’ebé ho númeru boot, maibé seidauk máximu iha nível foti desizaun nian.

“Problema mak Partidu seidauk fó oportunidade ne’ebé hanesan ba feto ho mane atu hola parte iha prosesu ne’e tomak, ita haree mós iha reprezentasaun feto iha Governu nia persentajen ne’e ki’ik, ita hahú ho primeiru Governu reprezentante ne’e ho númeru a’as tiha depois komesa menus”

“Iha parte seluk mós ita haree ba kargu da xefia parese Lei mak seidauk forte, tanba ida ne’e mak mane sira, líder sira seidauk iha hanoin atu kria kondisoens no fó oportunidade ba feto mós hola parte iha pozisaun kargu da xefia” afirma Terezinha.

Tuir Sekretaria Estadu Igualidade no Inkluzaun, Maria de Fatima Correia dehan, rekursu feto barak mak kualidade, maibé sira rasik mak seidauk prontu no preparadu simu knar ne’ebé iha.

“Feto barak iha kualidade hakarak atu simu knar, maibé balun dala ruma atu fó knar ba sira dehan hein lai, ami seidauk preparadu atu simu knar ida ne’e” tenik membru Governu ne’e.

Dadus ne’e iha, partisipasaun hala’o knaar iha Parlamentu Nasionál dadaun ne’e iha 31%, iha estrutura Governu atuál 16%, iha Funsaun Públiku ba kargu Xefia iha 26%, Autoridade Suku iha deit 5% no aldeia 4%.Lau


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker