GMN TV Sosiedade GOVERU FOUN TENKI FO IMPORTANSIA BA LEI BIODIVERSIDADE

GOVERU FOUN TENKI FO IMPORTANSIA BA LEI BIODIVERSIDADE

0 views

Vise Ministru Dezenvolvimentu Abitasaun Ordenamentu no Ambiente sesante, Abrão Gabriel, rekomenda ba Governu foun mai atu tau importansia ba lei biodiversidade ne’ebé sira aprezenta ona ba Prezidente Republika, Francisco Guterres ‘Lu Olo’, maibe rejeita nune'e bele proteze biodiversidade ne’ebé mak Timor Leste (TL) iha.

Abrão Gabriel, hateten kuaje 25% abitasaun iha TL mohu ona, tanba ne'e VIII Governu liu husi Sekretáriu Estadu Meiu Ambiente (SEMA) tenki tau prioridade ba asuntu ne'e hodi bele fo protesaun ba meiu ambiente ne’ebé mak iha.

"Tuir planu dezenvolvimentu Nasional lei ne’ebé mak importante mak lei kona ba diversidade,ne’ebé foin dadauk aprezenta ba Prezidente Repúblika, mas Prezidente Repúblika, rejeita tiha, agora dadauk lori fila fali ba Konsellu Ministru sira. Ha’u hanoin Sekretáriu Estadu foun prepara fila fali para se bele Prezidente bele promulga hodi ita bele uza proteze ita-nia biodiversidade ne’ebé mak iha tanba ita hotu hatene katak agora dadauk ne'e ita sente lakon ona 25 epesies," Abrão Gabral ba jornalista sira hafoin entrega poder ba Sekretáriu Estadu Meiu Ambiente, Deometrio Amaral, iha Fomento, Dili, Tersa (26/6/2018).

Kuaje 25 espesies ne’ebé mak dadauk ne'e mohu ona ne'e, tuir Abrão, ladiak ba TL tanba laiha ona balansu ba ekosistema iha TL.

"Ho problema ne'e balansu ekosistema ne'e laiha ona, ida ne'e problema ba ita tanba saida mak ha’u dehan porblema tanba ne'e provoka parte ida deit mak sei sai barak liu, ezemplo hanesan Lafaek, laiha espesies seluk, lafaek mak barak liu tanba hahan la to'o, entaun provoka sira hasoru fali ita populasaun sira,"dehan Vise Ministru Abrão sesante ne'e.

Entertantu Sekretáriu Estadu Meiu Ambiente, Deometrio Amaral, hateten buat ne’ebé mak Governu daualu hala’o sei bazeia ba diagnóstiku ne’ebé mak Vise Ministru sesante intrega ba nia, kona ba buat balun ne’ebé mak sira seidauk halo no buat balun ne’ebé mak halo ona no tenki iha kontinuasaun tanba governasaun ne’ebé mak iha nuudar governasaun ne’ebé nia programa ba tinan lima nian ne’ebé sei aprezenta ba Parlamentu Nasional.

"Hanesan Sekretáriu Estadu ne’ebé tutela ba meiu ambiente, iha programa tinan lima nian ne’ebé sei hodi ba Parlamentu Nasional hodi  hetan aprovasaun. Maibe ha’u bele hatete ba ita boot sira mak servisu ne'e sei hahú ho diagnóstiku ne’ebé mak iha ba kondisaun internal diresaun nasional sira ne’ebé iha meiu ambiente nian, atu hatene didiak saida mak sira halo ona, saida mak presiza sei halo no saida mak sai dezafiu. Karik mos aprende lisaun sira husi susesu sira ne’ebé mak iha, failansu sira ne’ebé mak iha nafatin hare'e hanesan lisaun hodi nune'e bele dezeinha fali programa ba tinan lima mai nomos ba programa anual 2018-2030 nian ne’ebé refleta duni pesoal sira ne’ebé mak durante ne'e servisu iha meuambiente,"dehan Deometrio Amaral.

Hafoin ne'e, Vise Ministru Dezenvolvimentu Abitasaun Ordenamentu Ambiente sesante, Abrão Gabriel, entrega relatoriu ezekusaun orsamentu duo désimu, inklui relatóriu programa VII Governu konstitusional durante fulan sia ba Sekretáriu Estadu, Meiu Ambeinte Deometrio Amaral.Ola

 


Banner

Foto

Notisia Ikus

Xanana aprezenta progresu negosiasaun fronteira marítima no terrestre ba PN

January 22, 2022
[caption id="attachment_59134" align="aligncenter"...

Campanha das eleições presidenciais prevista para início de março

January 22, 2022
A campanha das eleições presidenciais terá in...

KM aprova ona karta reforma husi Lere, desizaun ikus iha PR Lú Olo

January 22, 2022
[caption id="attachment_59120" align="aligncenter"...

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...
1 2 3 684

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker