GMN TV Sosiedade Lú Olo: Violénsia hasoru feto kontinua eziste

Lú Olo: Violénsia hasoru feto kontinua eziste

0 views

Prezidenti Repúblika (PR), Francisco Guterres Lú Olo rekoñese to’o agora dadaun grau violénsia kontra feto sira kontinua forte no sei nafatin okupa númeru aas, iha Timor Leste (TL).

“Hanoin la’os dehan katak ita tau ketak tiha ita nia inan feton sira ne’e ba moris iha uma nia tatis ne’e la’e, iha uma laran, maibé grau de violénsia iha nafatin. Ne’e ha’u hatene portantu ida ne’e mak ita tenki foka ita nia atensaun ba situasaun ida ne’e para bele halakon tiha violénsia hasoru feto, atu nune’e ita bele respeita ita nia inan feton sira,”hateten Prezidenti Repúblika, Francisco Guterres Lú Olo ba jornalista sira, Sesta (8/6) hafoin partisipa konferensia ho tema ‘’Feto Forte Nasaun Forte” iha sala Auditóriu Ministériu Planu no Finansas Díli.

Xefi Estadu ne’e hatutan, konferensia ne’e organiza husi União Europeia no Govoernu hodi bele rekoella hanoin hamutuk atu oinsa bele lori feto timoroan sira bele partisipa di’ak liutan iha dezenvolvimentu TL.

“Hanoin partisipasaun feto iha dezenvolvimentu iha, soke ita mane sira ne’e labele hanoin dehan feto sira nian ne’e husik ba sira de’it, mane sira mós presiza. Mane sira mós dalaruma halo fali violénsia ba feto. Entaun presiza liberta uluk mak mane sira ne’e tenki partisipa hotu para bele oinsa fó importánsia ba ita nia feto sira atu nune’e sira mós bele hamutuk ho ita mane hodi bele hala’o dezenvolvimentu iha ita nia rai,” tenik Lú Olo.

Iha fatin hanesan, Embaixador União Europeia iha Timor Leste, Alexandre Leitão hateten, problema dezigualidade entre feto no mane ne’e nu’udar problema globál, inklui iha TL.

“Iha problema dezigualidade iha Timor hanesan mós iha nasaun barak iha mundu, Timor ida ne’e nu’udar problema boot ida, problema kultural maibé Timor nu’udar nasaun joven ida no laiha tempu atu trata problema sira hotu. Agora mos União Europeia, somos pioneiros na defesa da igualidade entre géneros, no ami fiar katak sosiedade ne’ebé la fó importánsia ba metade ninian populasaun, nu’udar sosiedade ne’ebé lakon tempu, lakon rekursu no potensiál,”hateten Embaixador União Europeia Iha Timor Leste, Alexandre Leitão.

Seminariu refere organiza husi União Europeia no governu TL hodi tau hanoin hamutuk konaba oinsa atu bele buka forma di’ak ba problema dezigualidade iha TL.

Partisipante ne’ebé marka prezensa iha konferensia ne’e mai husi entidade relijozus, polítiku sira, reprezentante União Europeia, governu no akadémiku.ías


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker