GMN TV Sosiedade TRABALLADOR 40 SEI BA TAN AUSTRALIA, SEJT HUSU SERVISU HO PROFISIONAL

TRABALLADOR 40 SEI BA TAN AUSTRALIA, SEJT HUSU SERVISU HO PROFISIONAL

0 views

Sekretáriu Estadu Juventude no Traballu (SEJT), Nivio Magalhães, husu  ba traballador seasonal Timor oan sira hamutuk 40 ne’ebé iha tempu badak atu ba servisu iha Australia tenki servisu profisional no mos responsabilidade.

Nivio Magalhães hateten, Governu iha kompetensia atu tenki  asegura  nia traballador oinsa servisu ho diak no responsavel inklui prontu lori sasan todan. Tanba ne'e, molok aranka ba Australia desde inisiu  mandatu  VII Governu Konstitusional, SEJT nia programa espesifiku mak formasaun no kapasitasaun ba traballdor sira liu husi area oi-oin.

"Treinamentu ida ne'e nuudar parte ida husi kompromisu VII Governu nian, ne’ebé hakarak prepara traballador sira ba rai liur ho diak, kualidade  atu nune'e bainhira sira ba halo servisu iha rai liur bele halo servisu ho diak, sira tenki prontu no preparadu atu halo servisu. Tanba ne'e mak ha’u mai iha ne'e hodi akompaña direta  sira ne’ebé prepara-an hela atu ba servisu iha Australia iha area kuu sabraka nian, no iha mos traballador sira seluk  20 ne’ebé prepara-an lori kareta ne’ebé mos ohin (horseik) halo teste kareta iha Tasi Tolu,"dehan Nivio Magalhães ba jornalista sira iha Sentru Treinamentu Tibar, Tersa (20/6/2018).

Nivio afirma, atu traballador sira ba servisu ho diak  no profisional,  antes ne'e traballador sira tenki tuir teste no tuir formasaun oinsa  kuu aifuan no oinsa lori kareta inklui oinsa lori sasan todan ne’ebé SEJT  liu husi Sentru Formasaun Tibar prepara hela ekipamentus treinamentu  ba traballador  hodi treinu durante loron rua  molok aranka ba Australia tempu badak.

"Antes sira ba tenki prepara sira halo didiak, se sira nain 20 ne'e ba atu  kuu sabraka entaun ita tenki prepara sira oinsa  kuu? hamrik oinsa? no hiit eskada oinsa? inklui teste fíziku, tanba sira sei  lori sabraka ho kilograma boot ne’ebé mak tau iha pasta ou bote Kanguru ne’ebé nain ba kompañia prepara hela entaun sira mos tenki  iha fízika ne’ebé mak diak,"Nivio afirma.

Iha fatin hanesan  Fernando Alexandrino, nuudar treinador ba traballador Timor oan ne’ebé ba servisu iha Australia, afirma, sai traballador  iha Australia, sei la kaer servisu ne’ebé mak kmaan, maibe todan, maske kuu deit aifuan maibe presiza fíziku ne’ebé diak. Tanba ne'e,  molok aranka ba, SEJT orienta traballador hotu-hotu tenki tuir teste no treinamentu teoria no pratika.

"Treinamentu ida ne'e nuudar parte preparasaun ba traballador molok sira ba servisu iha Australia liu-liu sira ne’ebé mak atu ba kuu Sabraka, alende ne'e ami mos fo treinamentu fíziku ba sira tanba ba iha Australia ne'e sei lori sabraka ne’ebé ho koligrama boot entaun sira presija treinu nune'e bele hatoman-an," Fernando hateten.

Entertantu, kandidatu traballador Australia, Nazario Amaral, sente kontenti ho treinamentu ne'e tanba bele fasilita ona sira molok ba servisu iha Australia nune'e sira bele sai traballador ne’ebé diak no profisional iha Australia.

"Ha’u sente kontenti ho treinamentu ne'e tanba ne'e hanesan bukae ida atu  pelo menus ami iha ona esperiensia oituan oinsa ami atu ba halo ami-nia servisu. Tanba ne'e, la’os servisu iha ita-nia rain, maibe ba servisu iha ema nia rain entaun ami presiza iha formasaun atu ami bele ba implementa,"nia dehan.

Total kandidatu traballador ne’ebé mak hetan ona treinamentu no sei aranka ba Australia iha tempu badak hamutuk 40, feto nain mane 20 no feto 20 iha area diferente  mak hanesan, lori kareta no kuu sabraka.Ola


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker