GMN TV Sosiedade Benefisiáriu 156 aldeia Tane Mutu seida’uk simu subsídiu familia

Benefisiáriu 156 aldeia Tane Mutu seida’uk simu subsídiu familia

0 views

Komunidade Suku Kuluhun, Aldeia Tane Mutu, Postu Administrativu Cristu Rei, Munisípiu Díli ho benefisiáru hamutuk 156 naran lá sai atu simu osan agregadu familia, tanba ne’e, sira husu autoridade lokál atu esplika lolos, razaun sira lá simu osan.

Husu mós ba Ministériu Solidaridade Sosiál no Inkluzaun ho Ministériu Administrasaun Estatal, atu esplika lolos kona-ba, xefe família ka uma kain hamutuk 156, naran lá sai totál, maske antes ne’e, naran hirak ne’e rekolla ona husi autoridade lokál.

“Iha suku kuluhun aldeia 6 simu hotu ona, só falta ami de’it mak seida’uk simu ami nia naran ami hatama primeiru liu, ami nia naran ba para iha kantor camat ne’e toba hela iha ne’eba ka ou ba toba iha estatal, toba hela ka ou munisípiu ne’eba toba hela ka ou ba sosiál ne’e mak toba hela ami hakarak husu lolós,”, dehan, Komunidade Aldeia Tane Mutu, Bernadinho Soares da Costa ba GMN, iha Suku Kuluhun, Tersa (16/06).

Preokupasaun hanesan mos hato’o husi, Abitante Aldeia Tane Mutu, Lurdes Carvalho, husu ba ministériu relevantes sira liu-liu MSSI no MAE, atu bele rezolve lalais problema refere, tanba aldeia 6 seluk hetan hotu ona sira nia dirétu, maibé aldeia Tane Mutu to’o agora seida’uk hetan subsídiu.

“Ami hakarak husu de’it ba ministériu kompetente sira hotu ami hakarak hatene ami nia dokumentus ne’e tama ka la’e, tama tenke naran ne’e iha, sé aldeia seluk ne’e iha ami mós tenke iha, ami nia naran tama hotu, ami nia naran laiha mai ne’e aldeia seluk iha hotu, aldeia Tane Mutu ne’e laiha, ohin loron ikus”, preokupa, Lurdes Carvalho.

Hatan ba preokupasaun ne’e, Xefe Aldeia Tane Mutu, Izidoro Barros Lemos, husu ba benefisiariu sira, atu pasiensia hodi hein desizaun husi MSSI, tanba problema refere rezolve ona, no sei halo pagamentu ba xefe famíliar sira ne’e ba etapa daruak.

“Ha’u ba hatama iha postu, postu ba iha munisípiu Díli liu ba Estatal, Sosial la sala dokumentus ne’e failansu iha ne’eba to’o ohin loron lá mai mós, ha’u ba hadia hotu mós segundu faze”,haktuir, Xefe Aldeia Tane Mutu ne’e.

Nune’e mos, Xefe Suku Kuluhun, Deus Dado Martins haktuir liutan, naran hirak ne’e la sai, la’os kulpa MSSI ni’an, maibé husi munisípiu Dili, mak lá haruka naran hirak ne’e ba ministériu Estatal, maibé hafoin mosu failansu ne’e, autoridade lokal rezolve ona, no sei halo pagamentu ba xefe famíliar hirak ne’e iha tempu badak.

“Ne’e la’os failansu husi MSSI nian, sosial sira só simu dadus para sira halo pagamentu, entre Munisípiu Díli ho Estatal husi Munisípiu Díli mak la enkamiña dadus hirak ne’e ba iha Estatal depois de ami na’in 2 direta,” haktuir, Xefe Suku Kuluhun.

Suku kuluhun, iha aldeia 6 mak hanesan, Aldeia Toko Baru, Aldeia Funu Hotu,Aldeia La’o Rai, Aldeia Leolau, Aldeia Nato, aldeia hirak ne’e, benefisiariu sira hetan hotu ona sira nia diretu, maibé falta Aldeia Tane Mutu, ho agregadu família hamutuk 156, mak seida’uk hetan sira nia direitu ba subsídiu monetariu ne’e. Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker