Bispu Dioseze Maliana, Dom Norberto do Amaral, husu ho haraik an ba ukun na’in sira atu kumpri no kuida Konstituisaun RDTL. Tanba konstituisaun sai hanesan Biblia ida atu leno hahalok iha iha Timor-Leste.
Prezidente Konferensia Episkopal Timorense atual Bispu Dioseze Maliana, Dom Norberto do Amaral hato’o apelu ne’e ba lideransa nasionál sira wainhira simu vizita líder karismátiku Kay Rala Xanana Gusmão iha rezidénsia Maliana.
“Husu ba lideransa sira ho haraik-an, atu kaer Konstituisaun didiak tuir karta pastoral ne’ebé ami fó sai ona, ida ne’e deit no simples deit katak Konstituisaun sai biblia atu leno ita-nia hahalok iha Timor Leste ida ne’e, se ita haksoit liu Konstituisaun lahatene atu ba ne’ebé, ne’e halo ita konfuzaun bo’ot. Ha’u-nia liafuan maka ne’e kaer Konstituisaun nu’udar Biblia atu inspira ita nia hahalok hotu iha Timor Leste”, dehan Dom Norberto foin lalais ne’e iha Maliana.
Dom Norberto mós husu ba deputadu sira atu husu deskulpa no hakneak ho hahalok ne’ebé foin lalais akontese ne’ebé rezulta meza Parlamentu Nasionál rahun no baku fila.
“Parlamentu husu lai perdaun ba povu, povu ne’e hakarak buat nebe diak la'os baku meza rahun ga, deut malu hanesan foin lalais ne’e, ne’e laos povu nia hakarak. Se Deputadu sira rekonese sira nia sala, hanesan Arsebispu dehan sala ne’e nia fukun iha ne'ebe, so hanesan ne’e mak igreja bele ba, se la rekonese para tiha atu ba Parlamentu ne’e”, nia dehan.
Iha sorumutu ne’e lider nasionál, Kay Rala Xanana Gusmão ho Bispu Maliana ko'alia mós kona-ba preparasaun ba tinan 10 ezisténsia Dioseze Maliana. Nes
