GMN TV Sosiedade Dom Virgílio: Deputadu sira presiza rekoñese fukun husi problema

Dom Virgílio: Deputadu sira presiza rekoñese fukun husi problema

0 views

Relasiona ho dezentendimentu ne’ebé akontese iha Parlamentu Nasionál (PN), iha loron 18 to’o 19, fulan Maiu, foin la-lais, ne’ebé rezulta meza Prezidente PN estragu no to’o agora seidauk hari’i fila-fali. Tanba ne’e, Arsebispu Metropolitana Dioseze Díli, Dom Virgílio do Carmo, hateten, tuir prespektiva relijiaun Katólika ni’an atu hari’i fali meza PN  ne’ebé estragu ona, membru PN sira presiza rekoñese uluk fukun husi problema iha PN.

Dom Virgílio sujere ba reprezentante povu iha PN atu halo ezame konsiénsia ba ida-idak nia-an, nune’e bele deskobre ramu husi problema refere, tanba hamonu dignidade Timor-Leste iha mundu.

“Meza ne’e rahun tanba mós iha nia asaun ruma ne’ebé provoka tensaun, karik lori fila-fali hamutuk, presiza hadi’a mós lai fukun oan sira ne’ebé iha entre ita nia membru PN sira ne’e, hadi’a mós fukun sira ne’e hafoin ita ba hari’i fila-fali, tanba tuir dalan uma kreda nian ne’e katak, halo misa ne’e presiza halo uluk rekonsiliasaun ida ne’ebé diak ba partidu ida-idak hafoin bele taka ho misa ida. Fukun ida ne’e tenke ba iha membru PN sira, tuur hamutuk atu halo ezame konsiénsia ida hodi reflete deskobre fukun ne’e mai husi ne’ebé, ne’e duni presiza iha momentu ida ne’ebé pauza atu halo reflete hamutuk, hodi detekta fukun ne’e mak foin bele fó ai-moruk ne’ebé loos”, Arsebispu Metropolitana ne’e ba GMN, Tersa (04-06-2020).

Husi iha sorin seluk, Padre Domingos Maubere, mós hateten, atu halolo fali meza PN ne’ebé naksobu iha PN, tenke tuir mós dutrina Katólika ni’an, tanba konsidera aktu refere hanesan pekadu boot ida hasoru povu.

“Se ita haree katak iha parlamentu mak ema la’ós Katóliku barak, ita bele halo kultural para bele envolve ema hotu, maibé sei iha ne’ebá Katóliku barak tenke halo tuir Katóliku, tanba sá mak meza ne’e monu, tanba sá meza ne’e baku fila, tenke halolo fila-fali tuir konstituisaun, tuir rejimentu atu buat hotu-hotu la’o tuir loos, hanesan Prezidente destituidu nia sa’e ho prosesu ida no nia tún fali ho prosesu ida no prosesu ne’e tenke la’o ho paz, la’ós baku malu, riba malu kadeira, mak ida ba sa’e, mak ne’e ona, ne’e duni buat hotu-hotu tuir mai ne’e illegal ona”, dehan Padre Domingos.

Antes ne’e, Prezidente PN atual, Aniceto Guterres mós deklara, atu hari’i fali meza PPN, tenke tuir rituál Timor ni’an ne’ebé hatu’ur ona no prosesu hari’i fali meza ne’ebé baku fila presiza tempu kuaze fulan ida. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker