Komunidade iha suku Hatas, postu administrativu Atabae, munisípiu Bobonaro, ho entuziasmu simu prezensa líder nasionál Kayrala Xanana Gusmão.
Ho emosionalmente komunidade hamonu matan-ween wainhira líder nasionál ne’e to’o iha komunidade nia leet, tanba hadomi povu, tanba ho laran kma’an hakarak haree diretamente kondisaun povu iha baze.
Komunidade, Filomena de Jesus espresa nia sentimentu, ne’e wainhira kaer liman diretamente ho Xanana ho matan-ween, tanba tuir nia durante ne’e haree Xanana iha de’it televizaun, maibé ohin loron bele hasoru malu diretamente.
“Ha’u tanis, tanba kontente haree avó Xanana liu husi ami-nia aldeia laran, ema boot ne’ebé hare nia povu hamri’ik iha estrada nia bele tuun kedas hodi hako’ak ami, kaer liman, ne’e halo ami kontente tebes, satán nia hanesan ema boot ida, maibé nunka sees husi ami povu sira. Durante ne’e nunka iha líder ida mak hanesan nia, só nia mak halo hanesan ne’e, laran ne’e moras tebes”, dehan Filomena.
Nia akresenta tan, ohin líder karismátiku liu husi sira nia aldeia no suku, komunidade sira hotu ba kaer nia (Xanana-red) liman, sente ba hanesan Jesus. Hafoin ne’e, Xanana kontinua kedas ho aktividade fahe nesesidade báziku ba komunidade sira. nes
