Komunidade suku Hauba, postu administrativu Bobonaro, munisípiu Bobonaro, husu ba líder karismátiku, Kayrala Xanana Gusmão, atu kandidata-an fali ba Prezidente Repúblika (PR) iha eleisaun Prezidensiál tinan 2022.
Reprezentante komunidade Hauba, Alberto da Cruz Lopez, hato’o lia hirak ne’e durante vizita líder nasionál, Xanana Gusmão iha suku refere.
“To’o loron ohin Xanana nia domin ne’e boot nafatin ba ita komunidade sira, liu-liu povu sira iha área rural, ami la hatene rai ne’e nia kontinuasaun atu ba ne’ebé no atu sai oinsa, tanba ne’e, ami iha sujestaun karik avó Xanana hadomi ami entaun tenke rona ami katak iha tinan 2022 avó tenke hamosu hanoin ruma no ami sujere avó tenke kandidata-an ba PR tinan 2020”, dehan Reprezentante komunidade Hauba ne’e.
Alberto dehan, durante ne’e Xanana la’o fatin barak ona, maibé iha fatin-fatin ema barak hein ho tanis no laran taridu, maibé komunidade sira fó fiar tomak ho prezensa iha fatin ne’e, avó Xanana sei lori nasaun ne’e ba oin.
Hatán ba sujestaun ne’e, líder karismátiku, Kayrala Xanana Gusmão, hateten, iha ninia vizita mai iha komnunidade nia leet, ne’e la’ós atu halo kampaña, maibé mai atu esplika kona-bá virus corona ne’ebé hamate ona ema barak iha mundu.
“Ha’u atu kuriji ema balun ko’alia bar-barak, ko’alia tan dehan ami sei falta ida, falta ne’ebá ita dehan karik waktu yang salah, tempat yang lebih salah, tanba ohin la’ós kampañia no ohin laiha partidu iha ne’e. Ohin mai, tanba problema moras iha mundu naran COVID”, dehan Xanana.
Nia dehan tan, iha mundu loro-loron ema mate barak, tanba ne’e mak Estadu hasa’i medida para labele da’et, COVID-19 mosu husi rai liur, tanba ne’e, mak Estadu taka fronteira, nune’e, karik ema mai tenke karantina semana rua.
Iha oportunidade ne’e, líder karismátiku mós fó apoiu nesesidade báziku ba kbi’it la’ek sira iha suku refere no komunidade barak mós admira hafoin manu-inan ida semo ba tuur hakmatek iha líder karismátiku nia ulun. Nes
