Ministériu Solidaridade Sosiál no Inkluzaun (MSSI), simu ona reklamasaun, hamutuk rihun11.833.
Rui Exposto esplika, MSSI simu reklamasaun liu rihun sanulu resin ida ne’e, mai husi munisípiu 12 lá inklui RAEO-A.
“To’o horseik ne’e ami simu reklamasoens por-volta de 11.833 reklamasoens, reklamasoens seida’uk inklui Oe-Cusse ninian, MSSI sei haree ba reklamasoens hirak ne’ebé mak tama durante ne’e sei halo avaliasaun ba reklamasoens sira ne’e ida por ida i sei hato’o ba públiku katak husi reklamasoens sira ne’e tama mai MSSI ho total agora dadauk 11. 833 ne’e hirak mak ita responde lejivel atu simu no hira mak ita elimina tanba dehan katak ho razaun fundamental ne’ebé MSSI sei hato’o mai”,
Informa, Diretór Jeral Ministériu Solidaridade Sosiál no Inkluzaun, Rui Exposto, iha nia knar fatin Caicoli, Segunda (29/06/2020).
Rui Exposto, husu ba benefisiáriu sira, atu labele konfuzaun, tanba Governu nafatin tau konsiderasaun ba reklamasaun, hirak ne’ebé tama mai iha diresaun MSSI.
Tamba, Governu sei rezolve problema refere, hafoin termina pagamentui iha rejiaun espesial oe-cusse, ne’ebé sei remata iha loron 13 fulan Jullu.
Alénde ne’e, Rui Exposto hateten, pagamentu subsídiu família iha kapitál Díli, liu-liu iha suku Bairo-Pite no suku Comoro termina atraza, la’os tanba ekipa tékniku mak limitadu, maibé númeru benefisiáriu mak barak liu. Ina
