GMN TV Sosiedade Ohin Governu atribui subsídiu USD 100.00 ba kada uma-kain

Ohin Governu atribui subsídiu USD 100.00 ba kada uma-kain

0 views

Oitavu Governu kumpre ona nia promesa hodi fó subsídiu USD100 ba kada uma kain, nune’e apoiu monetáriu ne’e sei realiza iha loron, Tersa (09/06/2020), tuir kalendariu ne’eb’e maka fó sai ona husi Ministériu Sosiál no Inkluzaun (MSSI).

Tanba ne’e, iha loron, Segunda(08/06/2020) horseik, lideransa komunitária  iha Munisípiu Díli, foti ona osan subsídiu Uma kain nian iha Banku Nasionál Comersial Timor Leste (BNCTL).

“Hanesan planu ne’ebé maka ami halo, iha ne’ebá iha aldeia Metin um maka aban ami halo pagamentu iha 09.00 oras ate remata. Nune’e mós kontinua to’o sesta, ikus liu maka aldeia 20 de setembru iha sesta feira semana ida ne’e nia laran, oráriu ne’ebé maka ami fó sai ona aban, fatin maka ami deside ona katak eskola númeru 3 filial Bebonuk nian nemak fatin ne’ebé seguru para atu halo pagamentu ba aban nian iha suku Bebonuk,” Esplika, Xefe Suku Bebonuk, Serafin Machedo ba JN-Diario iha BNCT, Segunda (08/06/2020).

Suku Bebonuk ne’e kompostu husi Aldeia 5, maka hanesan, Aldeia Metin Um, Metin Dois, Metin três, Metin Quatro no 20 de Setembru, no totál benefisiarius husi suku bebonuk hamutuk rihun  2.529.

Xefe suku ne’e haktuir, tuir lolos osan ne’ebé maka atu foti ne’e ho montante qinheitos sinco mil oitocentus, maibé osan ohin foti deit qinheitus oito mil quatrucentus.

Iha fatin hanesan, Xefe Suku Fatuhada Marselino Soares hatete, antes ne’e dadus benefisiarius husi suku Fatuhada hatama iha Ministériu Estatal ho totál rihun hat resin, maibé iha avaliasaun  hetan de’it rihun tolu atus sia resin.

Tanba ne’e, Marselino afirma, sei lá asina konta bankaria wa’inhira montante orsamentu lá to’o hanesan iha lista ne’ebé maka halo ona avaliasaun iha Ministériu Solidaridade Sosial no Inkluzaun.

“Kuandu menus ne’e ita labele haree fali ba ida ita hatama ne’e ita haree ba ida ne’ebé avaliadu ne’e, avaliadu ne’e mai husi Ministériu Estatatal, Ministériu Solidaridade Sosial no Inkluzaun, ho departementu ida iha MSSI rasik ho konta ba ema ne’ebé maka vensimentu USD500 ba leten. Lá konklui ona iha ne’eba quer dizer fó fali mai ne’e, nia tenki pas ho ida konkluiadu, ida ne’e maka ita atu simu kuandu lato’o ne’e ita tenki halo hadi’a kedas iha banku”, afirma, Xefe Suku Fatuhada Marselino.

Nune’e mos, Jerente BNCTL Sukursal Díli, Marcelo da Cruz Carvalho, haktuir distribuisaun osan ne’e ba kada suku ne’ebé maka foti direita husi xefe suku sira, maibé la inklui ho posto Administrativu Metinaru no Atauro.

“Sira mai tanba suku nia konta iha ne’e ona, ida ne’e existe kedan iha tinan hira liu ba maibé assina iha ne’eba iha rua, iha suku ho sira nia sekretaris sira maka asina, ne’ebé mai ne’e ami husu kartaun eleitorál de’it sira asina iha sliip ne’e, haree osan ne’e tama hotu ona prontu ami despaixa tuir osan ne’eb’e maka tama”.haktuir, Marcelo.

Apoiu monetáriu ne’e, husi Osan husi fundu COVID-19 no aloka ba iha BNCTL hodi distribui ba suku hotu iha munisípiu Díli ho montante USD Tokon 12 no tuir planu ohin sei halo hotu distribuisaun osan ne’e ba suku hotu iha munípiu Díli.

Enkuantu ho montante osan ne’ebé bo’ot, nune’e xefe suku balun deside hodi rai de’it osan ne’e iha edifisiu munísipiu Dili atu nune’e bele seguru, tanba maioria xefe suku sira laiha brankas (Cofre).Luc


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker