GMN TV Sosiedade Organizasaun KBK halo asaun karidade ba família 76 iha Taibesi

Organizasaun KBK halo asaun karidade ba família 76 iha Taibesi

0 views

Organizasaun Kaben Na’in ba Kristu (KBK), Parókia Nossa Senhora Imaculada da Conceicão Balide, halo asaun karidade ba família 76, iha Taibesi - Aituri-Laran.

Tuir líder unidade organizasaun, Kaben Na’in ba Kristu (KBK), Paul Sebastião haktuir, objetivu husi asaun karidade ne’e, atu fó ajuda ba família kbiit la’ek, ne’ebé susar ba ai-han, durante iha situasaun atuál, liu-liu liga ho surtu COVID-19.

Paul Sebastião subliña liutan, asaun karidade ne’e, fahe maromak nia liafuan ba família hirak ne’e, nune’e lori sira hakbesik ba maromak iha kualker situasaun.

“Ne’ebé sofre liu hanesan avo mane no avo feto mesak de’it iha uma sofre tebes, ami hili duni ne’ebé sofre tuir maromak nia liafuan mós dehan, katak ‘saida de’it mak imi halo ba ki’ik oan sira ne’ebé mak sofre liu ne’e imi halo ona ba ha’u, ami koko bele foti ami nia lista ne’e ami la’o ami foti hotu kedas maibé ami la dehan ba sira, mai fali ami tais ida ne’ebé sofre liu mak tama hodi simu hahan ba loron ohin ne’e”, dehan, Líder Unidade Organizasaun Kaben Na’in ba Kristu (KBK), Paul Sabastião, ba Jornalista sira iha Taibesi Aituri-Laran, Segunda (01/06/2020).

Iha fatin hanesan, Benefisiária, Domingas da Silva Araújo agradese, ba asaun solidariedade ne’ebé organizasaun, Kaben Na’in ba Kristu husi Igreja balide, halo maske labarak, maibé bele responde ona sira nia nesesidade kada loron.

“Ami agradese tebes ba ami nia agama katólika ne’e fó domin ba ami fó haksolok ba ami ne’ebé ki’ak ami ne’ebé faluk hanesan hahan bele oituan mós rai ba ami, ami bele ba ami nia moris lor-loron ni’an”, agradese, Benefisiária, Domingas da Silva Araújo.

Asaun umanitária ne’e organizasaun KBK, foin halo dahuluk ba komunidade iha fatin ne’e, no tuir planu sei halo mós ba komunidade, iha fatin seluk.Ina


Banner

Foto

Notisia Ikus

Xanana aprezenta progresu negosiasaun fronteira marítima no terrestre ba PN

January 22, 2022
[caption id="attachment_59134" align="aligncenter"...

Campanha das eleições presidenciais prevista para início de março

January 22, 2022
A campanha das eleições presidenciais terá in...

KM aprova ona karta reforma husi Lere, desizaun ikus iha PR Lú Olo

January 22, 2022
[caption id="attachment_59120" align="aligncenter"...

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...
1 2 3 684

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker