GMN TV Sosiedade Padre Domingos Maubere: Hahalok Naimori ho nia grupu kontra doutrina igreja

Padre Domingos Maubere: Hahalok Naimori ho nia grupu kontra doutrina igreja

0 views

Pároku Sagradu Kurasaun de Jesus, Domingos Maubere, hatete, lideransa maxímu Partidu KHUNTO, José dos Santos Naimori “Bukar” ho nia grupu ne’ebé halo ritual oi-oin hodi hasa’i ran ba ema hemu ne’e kontra doutrina igreja nini'an.

Padre Domingos Maubere, hato’o lia hirak nee ba JNDiário, Segunda (29/06), iha nia kna’ar fatin igreja Becora, relasiona ho publikasaun iha Media Sosial iha Prezidente Partido KHUNTO ne'e uza farda Arte Marsial KORK, ne'ebe uza mos Kruz no halo serimónia ritual hasa’i ran hodi halo juramentu katak, profeta daruak iha Timor-Leste.

“Imajen ou hahalok Naimori nian ho nia ninia grupu ne’ebé fó sai iha media hodi halo ritual oi-oin ita hare momos katak, atu hemu no halo juramentu haree hahalok Naimori nian ne’e uluk nia la sarani oin seluk, nia halo tuir hakarak sé nia sarani ema Katoliku mak nia halo hanesan ne’e la hatudu fiar ba Maromak, maibé fiar fali ba buat seluk, maluk sira ne’ebé tuir sira ne’e halo buat ne’ebé la di'ak ni'an, sé nia Katoliku duni nia kontra doutrina igreja ni'an, nia halo sai profeta falsu no nia dada maluk sira ba dalan ne’ebe laloos nininan, nia hanesan ema lider ida nia labele hatudu atitude ne’e halo ema fila-fali ba kotuk, ran ne’ebé mak sadia ita ne’e mak Jesus Kristu ni'an de’it, laiha tan ran ida ne’ebe folin”, hatete Paroku Sagradu Kurasaun de Jesus.

Padre Domingos Maubere, hatete, atitude José dos Santos Naimori “Bukar” nian iha media sosiál ne’e, hatudu dalan nakukun ba nia maluk sira, tanba fiar ne’ebé nia hala’o ne’e kontra igreja nia doutrina.

Paroku Sagradu Kurasaun de Jesus ne'e esplika, ran ne’ebé mak sadia ba ema ne’e mai husi Jesus Kristu ni'an, nune’e laiha tan ran seluk, tanba ne’e ho atitude Naimori ni'an ne’e hatudu la fiar ona Maromak.

Hatán ba kestaun ne’e, Sekretáriu Jerál Partidu KHUNTO, José Agustinho da Silva, hatete, imajen ne’ebé fó sai iha Media Sosiál ne’e públiku interpreta labele ba buat seluk, maibé tenke hanoin ba pozitivu nini'an.

“Ha'u hanoin kona-ba kontextu husi saida mak lansa iha media sira ne'e, ha'u hanoin ita interpreta parte pozitivu nini'an, ha'u husu para labele politiza kestõens sira ne’e, importante mak entidade hotu nia kontribuisaun, kolaborasaun mak bele kria situasaun ida ne’ebé mak kondusivu, kolabora iha paz no estabilidade iha politika, estabilidade seguransa no ekonomia no ninia objetividade final mak prospriedade ka moris diak ba povu no nasaun. Ha'u hanoin kona-ba kestaun sira ne'ebe lansa iha media ne'e, ema hotu-hotu iha liberdade para espresa ninia hanoin. Maibe kestaun importante mak kestaun ida ne’ebé maka pertinente diak ba ema hotu-hotu nia diak no nia interese ba ita nia aktu ida ne’e”, esplika José Agustinho.

Atual Ministru Transporte no Komunikasaun ne’e, husu ba ema hotu nia kontribuisaun ba dame, paz no estabilidade, hodi konsentra ba dezenvolvimentu iha rai ne’e ba oin.

Kalohan: Governu presiza kontrola grupu balun explora povu iha munisípiu

Nuneé m,os, Xefe bankada Partidu Demokrátiku (PD), António da Conceição “Kalohan”, husu ba Governu atu kontrola grupu balun ne’ebé halo movimentu hodi explora povu iha munisípiu sira.

“Ohin loron ita haree andamentu barak tenta atu destrui valores no kultura, ita haree efeitus ne’e mosu iha munisípiu Manu-Fahi no Ainaro movimentu sektáriu ni’an mosu tenta atu explora povu nia ignoránsia, ne’e hatudu buat ne’ebé la di’ak. Tanba prinsípiu luta ni’an  mak atu liberta ita nia povu husi obskurantizmu, povu labele monu tan ba explorasaun o homen pelo homen“, Xefe bankada PD ne’e liu husi ninia intervensaun iha plenária, Segunda (29-06-2020).

Kalohan husu mós ba Governu atu hola asaun ne’ebé forte ba kovimentu sira ne’ebé radikalmente la’o iha populasaun, hodi halo explorasaun ba populasaun sira liu husi aktividade sektárianu.

“Timor-Leste nasaun Katóliku ema barak konfesa nia fiar no ho ida ne’e mak Timor-Leste ba ukun rasik-an, tanba labele akontese tan hahalok ne’ebé mak mosu iha populasaun nia le’et, hodi bele halo juramentu ne’ebé ladún eduka ita nia sosiedade, ita tama ona era ne’ebé milenium ni’an ema ko’alia kona-bá teknolojia no siensia, maibé ita ba nafatin halo explorasaun homen do homen, pior liu ida ne’e orientadu ba aktividade polítika ruma partidu nia responsabilidade atu eduka no sibiliza povu la’ós atu habeik ita nia povu, hodi monu buat ne’ebé laloos“, tenik Xefe bankada PD ne’e.

Nia parte sujere mós ba Governu atu prevene aktu hira ne’e, tanba bele konstrui valor sosiedade durante ne’e moris tiha ona, edukasaun de’it la to’o, ema tenke moris iha sibilizasaun, hodi respeita no dignifika malu.

Maibé explora obskuratizmu ba faboresimentu polítiku Partidu Polítiku (ParPol) ne’ebé la eduka povu.

“Ami husu atu halo separasaun aktividade polítika rituais tenta halo povu lakon ba nia futuru, ita nia foin mak atu harii hanesan mós moto PD harii nasaun husi baze, ami preokupa ita tenke iha sosiedade modernu“, subliña Kalohan.

Nune’e mós deputadu husi CNRT, Bendita Moniz, mós sekunda opiniaun husi Xefe bankada PD, António da Conceição “Kalohan”, hodi Governu bele tau atensaun ba buat hirak ne’e.

“Ha’u sekunda tenke halakon buat explorasaun, ita luta bele halakon explorasaun homen por homen, tanba saída mak buat sira ne’e bele eziste. Sujere mós ba Governu tenke haree no  bele  atua  duke buat la’o ba oin pior liu tan. Tos/ety


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker