GMN TV Sosiedade Produsaun hare iha munisípiu Bobonaro tun

Produsaun hare iha munisípiu Bobonaro tun

0 views

Abitante munisípiu Bobonaro, postu administrativu Maliana, Daniel dos Santos, hateten, tinan ne’e produsaun hare iha Maliana ladun di’ak, tanba menus udan-been no laiha fornesimentu bee, tanba irigasaun aat.

Maske nune’e, agrikultór sira kontinua produz hare, maibé ho volume ne’ebé menus, kompara ho tinan hirak ba kotuk.

“Tinan ida ne’e, produsaun hare la hanesan ho tinan uluk, ami produs saku 60 ba leten ho razaun udan-been la di’ak, maske nune’e, ami la’ós hahan mak laiha, maibé ami halo fali modo hodi fa’an atu sosa nesesidade seluk”, abitante munisípiu Bobonaro, postu administrativu Maliana ne’e ba jornalista sira iha Maliana, Kinta (18-06-2020).

Alénde ne’e, komunidade balun mós labele fa’an sira-nia produsaun iha merkadu, tanba iha Estadu Emerjénsia (EE) relasiona ho surtu COVID-19.

Ho ida ne’e, komunidade husu ba Governu atu halo rehabilitasaun fali ba irigasaun ne’ebé aat, nune’e bele normaliza fali fornesimentu bee ba natar.

“Ami husu ba na’i-ulun sira hanoin netik ami povu ki’ik sira ne’e, ami bele buka moris agora ho EE ne’e ami labele halo buat“, tenik Daniel.

Diretór agrikultura munisípiu  Bobonaro, Adérito Soares, rekoñese, produsaun hare tinan ne’e menus, tanba impaktu husi mudansa klimátika ou udan ladun di’ak no mós irigasaun Maliana 1 ho 2 ne’ebé aat, to’o agora seidauk rehabilita.

“Kondisaun ita nia irigasaun Maliana 1 ita hetan apoiu husi Japaun halo kontrusaun irigasaun hodi fornese bee ba natar 1050 hektare. Iha Maliana 2 nia kobre 1500 hektare, iha Atabae hektare 200 liu. Kondisaun sira agora ne’e mak labele ona, sistema ita liga ho ninia bokadura tinan-tinan sei iha problema, tanba konstrusaun aat hotu ona. Kada tinan munisípiu Bobonaro produs haree 7766 hektare, maibé ba tinan ne’e la konsege atinji, tanba irigasaun iha Maliana 2 presiza atu halo konstrusaun ba barajen kilometru 1”, tenik Adérito.

Prezidente autoridade munisípiu Bobonaro, Zeferino dos Santos mós esplika, komunidade Maliana tinan ne’e labele hasa’e liu tan volume produsaun hare, tanba problema irigasaun ne’ebé seidauk rehabilita.

“Ho preokupasaun boot ba ita nia komunidade sira, tanba irigasaun laiha oinsa mak sira bele produs hare, atu nunee sira bele konsumu no mós atu fa’an, hodi hetan osan, nunee bele hola sira nia nesesidade sira seluk”, tenik Zeferino.

Kada tinan Munisípiu Bobonaro produs hare besik toneda rihun 800, maibé ba tinan ne’e, produsaun hare menus, tanba udan ladun di’ak no irigasaun aat. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker