GMN TV Sosiedade Seguransa Guarda Lorosa’e la hetan vensimentu kuaze tinan ida

Seguransa Guarda Lorosa’e la hetan vensimentu kuaze tinan ida

0 views

Koordenadór Guarda Lorosa’e, Júlio Verdial Barros, hateten, durante tinan ida (1) ona seguransa Guarda Lorosa’e 41 ne’ebè hala’o seguransa ba sentral elétrika iha munisipiu Bobonaro la simu saláriu, maibé sira kontinua hala’o hodi asegura material Estadu ni’an.

Júlio hato’o preokupasaun ne’e iha vizita membru Parlamentu Nasionál (PN), husi komisaun E durante aktividade fiskalizasaun iha sentru eletrisidade munisípiu Bobonaro.

“Durante la simu osan tinan ida ne’e, ami hasoru difikuldade, tanba hanesan ema moris sempre iha difikuldade bainhira servisu la simu osan, maibé ho problema ka difikuldade ne’ebé mak ami hasoru ami la tau importansia, ami importansia liu ba ami nia servisu ne’ebé atu asegura sasan Estadu ni’an hanesan sentral eletrisidade Maliana”, Koordenadór Guarda Lorosa’e ne’e ba jornalista sira iha Maliana, Kuarta (17-06-2020).

Júlio afirma, problema ida ne’e Governu presiza resolve, atu nune’e bele hetan solusaun ruma.

“Salariu Guarda Lorosa’e ne’e USD120 ema ida, maibé ba Koordenadór USD150. Maibé agora kompañia Guarda Mor kaer fali Guarda Lorosa’e, ne’ebé atu selu de’it sira USD115 no atu hasa’i tan balun, ida ne’e sira la simu no sei la sai. Governu atu tau matan ba seguransa Guarda Lorosa’e no labele jere husi kompañia, nune’e bele tau atensaun ba sira nia servisu, tanba ami la’ós traidór ami mós tau kanuru tohar luta ba ukun-an ida ne’e, ami servisu ne’e iha na’in 42, maibé tanba na’in 1 sai tiha hela na’in 41 no ami servisu tinan 10 ona”, tenik nia.

Ho nune’e, Prezidente komisaun E PN, Abel Pires, kontinua motiva sira atu servisu nafatin, kona-bá problema refere komisaun E sei tau atensaun hodi tau kestaun ne’e ho sériu.

“Ami husu ba ita boot sira atu pasensia labele lakon esperansa, Timor ne’e ita hotu ni’an, ne’ebé buat sira ne’e ita bele haree atu oinsa bele rezolve”, tenik Abel. ety 


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker