GMN TV Sosiedade Selebra aniversáriu ba dala-74, Xanana husu povu tomak harii domin no dame

Selebra aniversáriu ba dala-74, Xanana husu povu tomak harii domin no dame

0 views

Líder karismátiku Kayrala Xanana Gusmão, husu povu tomak atu haburas domin no dame, nune’e bele moris iha estabilidade nia laran.

Apelu ne’e, Xanana hato’o hafoin partisipa misa agradesimentu ba ninia aniversáriu ba dala-74, iha igreza Balide-Díli, Sábadu (20-06-2020).

“Ha’u nia mensajen mak ne’e, husu ba imi hotu atu harii nafatin domin no dame, hodi nune’e ita moris iha estabilidade nia laran”, líder karismátiku hato’o ho mata-ween, iha selebrasaun ninia selebrasaun misa aniversáriu ba dala-74 ne’e.

Antes atu selebra misa agradesimentu, iha parte dader Xanana Gusmão organiza ekipa Bombeirus Timor-Leste halo limpeza iha jardin Motael no rega ai-funan iha jardin refere.

Líder nasionál ne’e apela mós ba joven sira, atu badinas halo servisu, hodi dezenvolve Timor-Leste, nune’e bele di’ak liu tan iha futuru, tanba jerasaun foun mak xave ba nasaun.

“Bei-oan loloos mak ne’e, mai ajuda avó hodi hamoos ita nia rai, hodi hadomi ita nia rain”, dehan Xanana.

Iha sorin seluk, kuadru Konsellu Polítiku Nasionál, partidu Congresso Nacional Reconstrução de Timor (CNRT), hato’o mós kongratulasaun ba selebrasaun aniversáriu Kayrala Xanana Gusmão ba dala-74 ne’e.

Xanana hamonu matan-ween iha misa refere

Líder karismátiku Kayrala Xanana Gusmão hamonu mata-ween wainhira sarani sira husu misa agradesimentu ba ninia aniversáriu ba dala-74.

Nia agradese mós ba entidade no sarani Katólika hotu ne’ebé selebra ona misa agradesimentu ne’e.

Iha momentu selebrasaun ne'e, líder karismátiku ne’e relembra hikas memoria tinan 40 resin liu ba, wainhira selebra ninia aniversáriu iha funu laran no padre Jesuita sira oferese osan ba nia, hodi fila fali mai Díli, tanba ne’e, nia parte konsidera hanesan domin ne’ebé oferese ba nia, hanesan mós ho selebrasaun aniversáriu ne’e.

“Ho misa ida ne’e, halo ha’u hanoin hikas iha tinan 40 ba kotuk, iha Juñu 1980, iha Ostiku, iha tempu ne’ebá ami loke dau-dauk dalan mai, atu mai to’o Dare, ami atu despedida ba malu iha 1980, mak ohin imi bele halo misa ida ne’e, nia fó hela rupiah tahan ida ba ha’u, nia dehan maun ha’u laiha buat ida atu fó ba o, nia dehan lori netik ba ne’e hanesan ami nia domin mak ne’e, tanba ne’e, mak ohin ha’u mai rona misa hamutuk ho imi, no imi hatudu imi nia domin ba ha’u”, líder karismátiku ne’e hafoin partisipa misa agradesimentu ba ninia aniversáriu ba dala-74, iha igreza Balide-Díli, Sábadu (20-06-2020).

Entretantu iha omília, padre Ángelo Salsinha, hateten, ho kontribuisaun boot ne’ebé líder karismátiku halo, hanesan matadalan ne’ebé fó ksolok no moris di’ak ba nia povu.

“Ita agradese ba ema hotu-hotu ne’ebé tulun avó Nana iha loron foun ida ne’e, aliansa ida ne’e, husi nia belun sira, eroi, matebian sira hotu ne’ebé hamutuk ho nia no ita hotu sempre hamutuk ho nia, ne’e duni ita hotu tetu, gosta no la gosta, só nia de’it mak bele fó moris di’ak ba ita no moris hamutuk ho ita”, Padre selebrante ne’e.

Partisipa iha misa mak hanesan, atuál deputadu iha Parlamentu Nasionál, António da Conceicão “Kalohan”, Sekretáriu Estadu Protesaun Sivíl, Alexandrinho Xavier, atuál Vise Prezidente Tribunál Rekursu, Juíza Maria Natercia, Brigadeiru Jeneral Aluc Descartes, eis titular balun no mós sarani sira.

Entretantu Xanana Gusmão moris iha munisípiu Manatuto, iha loron 20, fulan Juñu, tinan 1946. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker