Xefe suku Comoro Eurico da Costa hateten Xefe Família ne’ebé servisu iha rai liur iha direitu atu simu subsídiu husi governu, relasiona ho Xefe Família rihun tolu husi Suku Comoro ne’ebé ba buka servisu iha rai-liur maibé hetan subsidiu dolar atus rua husi Governu.
“Sidadun Timor oan sira ne’ebé buka osan iha ema nia rai mos iha direitu atu hetan subsidiu husi Governu liu husi nia família ruma iha Timor maibé tenke iha kartaun eleitoral orijinal husi benefisiariu ninian no família ne’ebé mai simu osan ne’e mos sei priense karta reklamasaun ne’ebé prepara husi Governu,aliende ne’e mos ba benefisiariu sira iha rai laran ne’e mós bainhira ninia laen laiha bele reprezenta husi fen maibé tenki lori kartaun eleitoral original laen nian no fen ne’ebé simu subsidiu husi governu sei halo karta reklamasaun hosi suku tuir orientasaun husi governu hateten Eurico da Costa ba GMN iha Sede Suku Comoro, Dili, Domingu (14/06).
Eurico da Costa mos hateten maske Xefe Família 3000 husi Suku Comoro ne’e ba buka servisu iha rai liur maibé kontinua hetan subsidiu dolar atus rua husi Governu.
“Agora dadun suku Comoro iha xefe família barak mak ba rai liur hodi buka servisu iha ema nia rain neduni tuir dadus ne’ebé iha ema sefe família 3000 mak buka servisu iha inglatera korea no Australia maibe sira mos iha direitu atu hetan subsidiu ne’e liu husi sira nia oan ka inan iha timor katak Eurico.
Benefisiariu Agusto Soares Manek sente kontente maibe preokupa ho sistema pagamentu ne’e tanba kleur demais tanba ne’e husu governu atu resolve.
“Ami sente kontente tanba maske hein kleur maibe hetan ona subsidiu husi governu maibe preokupa uituan mak sistema pagamentu ne’e tanba kleur demais tanba ne’e ami husu ba governu atu aumenta pesoal ne’ebé halo pagamentu nune bele atende lalais
Enkuantu Suku Comoro iha Aldeia 14 ne’ebé pagamentu ne’e hahu husi loron 9-13 ba Aldeia 30 de Agostu ho uma kain atus walu no iha loron 14 kontinua ba Aldeia Aimutin ho uma kain 465. aba
