GMN TV Sosiedade Vizita maun boot Xanana laiha motivu polítiku

Vizita maun boot Xanana laiha motivu polítiku

0 views

Reprezentante Komunidade Suai Loro no Kamanasa, Postu Suai, Munisípiu Covalima, Rui Lopez, informa, vizita líder karismátiku Kay Rala Xanana Gusmão, iha Suai, hodi tulun komunidade kbiit laek sira hanesan asaun karidade la’os intensaun polítiku ka motivu polítiku ruma.

Tuir emprezáriu Timor-oan Rui Lopez, katak, vizita eis Prezidente Repúblika, Kay Rala Xanana Gusmão, iha Suai la’os buka sensasaun, maibe puramente hadomi ninia povu, tanba Xanana nia figura koñesidu ona iha mundu tomak.

Rui Lopez mos fó agradesimentu ba Kay Rala Xanana Gusmão, nia asaun karitativa hirak ne’e, tanba bele apoia komunidade kbiit laek sira iha tempu difisil ida ne’e.

“Maun bo’ot Xanana mai iha ne’e tanba karidade, tanba domin. La’os nia mai buka sensasi, nia sensasi ne’e wain (barak) los tiha ona iha internasional, iha mos Timor, ne’e laiha unsur politiku, maibe karidade. Domin ida mak bo’ot, domin ida mak rohan la kotu, imi bele haree, sente domin ida ne’ebé mak maun bo’ot iha ba imi”,dehan emprezáriu Rui Lopez ba jornalista sira iha Covalima, Sábadu (6/6/2020), bainhira husu kona-ba iha pesoal partidu balun “laran moras” akuza eis PR Xanana Gusmão, fó apoiu ba komunidade sira ne’e hanesan motivasaun polítika.

Nune’e eis Primeiru Ministru, Kay Rala Xanana Gusmão, hatete, apoiu sira ne’ebé mak nia fahe ba komunidade sira tanba hetan apoiu husi emprezariu no entidade balun ne’ebé laran di’ak iha rai ida ne’e.

“Ne’e tanba laran diak husi Timor-oan sira balu mak fó apoi ida ne’e”,dehan tan Xanana.

Entretantu apoiu ne’ebé Kay Rala Xanana Gusmão, fahe ba populasaun sira ne’e mai husi EDS, A1 Service, no mos apoiu pesoal husi entidade balu.

Apoiu hirak ne’ebé líder nasional Xanana Gusmão fó ba komunidade hirak ne’e mak hanesan fos, mina, supermie no seluk tan.

Povu Suai Covalima sira ne’ebé hetan tulun husi líder  nasional Xanana Gusmão, ne’e sente kontente no ho matawen harohan ba maromak atu Xanana Gusmão bele moris naruk nafatin hodi bele hadia Timor-Leste ba oin.

“Nia mai la lori buat ida mos diak hela, importante ami haree netik nia oin, ami hanoin nia, ami hanoin. Ami haree iha TV ne’e nia vizita povu nia hadomi, nia domin ba povu bo’ot liu”,dehan komunidade sira ho matan ben, hodi akompaña Xanana Gusmão tutuir dalan.Nes


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker