Líder karismátiku Xanana Gusmão vizita abrigu saudozu Komandante David Alex “Daitula” ho ninia kolega sira-nia subar fatin ne’ebé lokalizada iha aldeia Darasula.
Responsabilidade kaixa Darasula, Helder Guterres da Silva “Tari”, hateten, abrigu ne’e hari’i iha tinan 1995 hanesan sentru mós ba FALINTIL sira, tanba sira atu ba sentru no leste mós liu husi ne’e.
“Komandante Daitula la’ós kaptura iha ne’e, mais ida hanesan fatin ida ne’ebé mak proteze hanesan bee laiha no buat ruma laiha no forsa Indonézia nia presaun maka’as, fatin ida ne’e duni mak nia bele mai hari’is hanesan Komandante Amiku, komandante Beredu, komandante Haksolok, Adjuntu Alin-laek kauza komandante lubuk ida mak. Maske maun saudozu Daitula laiha tina ona, maibé nia espíritu sei nafatin ho nia maluk sira ne’ebé moris, hodi dezenvolve povu no rai ida ne’e ba oin”, Responsabilidade kaixa Darasula ne’e iha Baucau foin la-lais ne’e.
Helder dehan, Komandante Daitula mai subar iha ne’e labele sura, tanba depende situasaun, to’o nia husik iha fulan Jullu, tinan 1997 iha tasi-ibun Caibada, maibé nunka mais lakon esperansa ida katak lakon espíritu ida luta ba ukun-an.
Nia subliña mós katak, abrigu ne’e hari’i iha tinan 1995, ho intensaun presaun husi militár Indonézia ne’ebé boot, entaun presiza salva dekumentu sira no mós rádiu komunikasaun. nes
