GMN TV Sosiedade Xefe Suku Tohumeta husu Governu hadia estrada

Xefe Suku Tohumeta husu Governu hadia estrada

0 views

Autoridade Lokál no komunidade Suku Tohumeta husu Governu atu rujente hadia estrada no eletresidade ba sira. Tanba durante ne’e Suku Tohumeta enfrenta estrada la diak no eletrisidade laiha ba komunidade sira utiliza.

Xefe Suku Tohumeta Henrique de Araújo, hateten, durante okupasaun Indonézia to’o ukun-an ne’e governu seidauk hadia estrada no instala eletrisidade ba komunidade suku Tohumeta Postu Administrativu Laulara Munisipiu Aileu nune’e difikulta tebes movimentu transporte públiku iha área refere.

“Tinan barak nia laran ona komunidade iha suku Tohumeta moris ho kondisaun grave tanba laiha dezenvolvimentu hanesan estrada eletresidade iha suku ne’e,neduni komunidade sira moris ho izoladu liu tanba ahi laiha sei moris nafatin iha nakukun laran hateten Henrique de Araújo ba GMN iha Suku Tohumeta, Tersa (03/06).

“Maske Timor-Leste ukun an tinan 20 ona maibe munisípiu Aileu komunidade iha suku balun seidauk asesu Estrada no Eletresidade nune difikulta tebes komunidade sira atu halo negosiu hodi sustenta sira nia moris tanba ne’e husu ba governu hadia estrada no instala eletrisidade iha sira nia suku informa Henrique de Araújo.

Hatán ba preokupasaun ne’e Administradór Munisípiu Aileu, João Tilman do Rego, hateten, sira hato’o tiha ona relatóriu preokupasaun komunidade sira nian ba Governu sentrál atu rezolve.

“Parte Autoridade Munisípiu halo ona relatóriu preokupasaun ne’e ba Nasional atu rezolve maibe difikuldade konaba orsamentu jeral ne’ebe sumba iha parlamentu Nasional hodi fo impaktu dezenvolvimentu iha Timor-Leste paradu tanba orsamentu laiha”,katak João.

Suku Tohumeta Aldeia tolu Berlaumeta Dois Tohumeta-Un no Akadiru Três ho xefe família 200 resin ho total populasaun rihun 1 resin.

Tuir observasaun Jornalista GMN iha terrenu nota katak kondisaunn estrada iha área refere ho kondisaun aat no mós laiha eletrisidade nune’e komunidade moris iha nakukun.aba


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker