GMN TV Sosiedade TATOLI HUSU APOIU POLÍTIKA BA GOVERNU

TATOLI HUSU APOIU POLÍTIKA BA GOVERNU

0 views

Prezidenti Konsellu Administrativu Ajensia Notisioza Timor-Leste TATOLI, Rosário  da Graça Maia, hasoru malu ho Sekretáriu Estadu Komunikasaun Sosial (SEKOMS), hodi husu apoiu polítika kona ba funsionamentu Ajensia Notisioza TATOLI.

Sekretáriu Estadu Komunikasaun Sosial, Mericio Akara, hateten, hanesan Sekretáriu Estadu Komunikasaun Sosial foun, tenki ko’alia ho ajensia sira ne’ebé mak iha ligasaun ho kna’ar SEKOMS nian.

“Ida ne’e liga mós ho apontamentu polítika, ha’u dehan ona ba Prezidenti Ajensia TATOLI atu fó tempu loron ida rua mai ha’u hanesan Sekretáriu Estadu atu haree tok apoiu polítika Governu nian ba futuru. Entaun iha tempu badak ne’e nia sei hatene definitivu kona ba, bainhira mak toma posse,” katak Mericio Akara ba jornalista sira iha Palasiu Governu, Segunda (02/07).

Nia hatutan, VIII Governu konstitusional ne’e, iha komitmentu atu dezenvolve Ajensia TATOLI ne’e atu sai forte hodi reprezenta duni nasaun Timor Leste ba nasaun seluk.

“Ohin ne’e oportunidade ida ko’alia ho Prezidenti eleitu Ajensia TATOLI, ko’alia mós ho ha’u-nia Diretor sira atu hetan update kona ba, depois nomeasaun Prezidenti Ajensia TATOLI ne’e akontese, nia prosesu ne’e la’o oinsa,” relata Mericio Akara.

Nia hatutan, dadaun ne’e, Prezidenti Konsellu Administrativu Ajensia TATOLI halo ona servisu balun, maibé seidauk hetan tomada posse. Tanba ne’e, iha tempu badak Governu sei fó posse ba Rogerio hanesan Prezidenti Ajensia TATOLI.

Akara mós fó ona orientasaun ba Diretor sira iha SEKOMS atu haree kona ba, oinsa atu fó apoiu téknika kona ba orsamentu.

 “Ajensia TATOLI tenki sai fontes prinsipal ba ita nia Estadu no ita nia nasaun, no ba komunidade internasional, hanesan nasaun Indonesia nian karik, kantor Berita Antara. Tanba ne’e mak ita iha komitmentu atu dezenvolve Ajensia TATOLI, para nivel ASEAN, ita mós bele tau ita nia pozisaun forte ruma ba ASEAN,”katak Mericio.

Nia mós fó hanoin ba Ajensia TATOLI atu oinsa uniformiza informasaun Governu nian, para ema iha nasaun seluk bele asesu no uza hanesan referensia.

Alende ne’e, Prezidenti Konsellu Administrativu Ajensia Notisioza Timor-Leste TATOLI, Rosário da Graça Maia, informa, nia hetan nomeasaun atu asume kargu Prezidenti Ajensia Notisia TATOLI iha tinan 2017 liu ba, maibé tanba nia seidauk bele hala’o nia funsaun, relasiona ho impase polítika ne’ebé timor leste ultrapasa.

“Ha’u nia enkontru ho Sekretáriu Estadu Komunikasaun Sosial, ko’alia kona ba funsionamentu kompletu Ajensia Notisia TATOLI. Hanesan ita hotu hatene katak, iha tinan fulan hira liu ba, Governu liu husi Konsellu Ministrus estabelese ona Ajensia TATOLI liu husi dekreitu lei ida, nomós halo nomeasaun ba ha’u sai Prezidenti Ajensia TATOLI,” relata Rosário.

Tanba ne’e, Rogerio dehan, iha VIII Governu ne’e, nia hasoru malu ho Sekretáriu Estadu Komunikasaun Sosial, Mericio Akara hodi halo diskusaun kona ba funsionamentu Ajensia TATOLI nian.

Rosário dehan, iha sorumutu ne’e mós sira ko’alia kona ba tomada de posse ba Prezidenti Konsellu Administrasaun Ajensia TATOLI.

“Nomeasaun ha’u nian Konsellu Ministrus halo iha 2017, maibé hafoin ida ne’e ita tama iha eleisaun Parlamentar no hamosu impase polítika, entaun ita laiha orsamentu designadu ba TATOLI, entaun ida ne’e kestaun orsamentu ho polítika, ho nune’e mak ha’u seidauk bele asume kargu ne’e,” relata Rosário.cos


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker