GMN TV Sosiedade Abitante Ai-Lele Hun halerik ba bee-moos

Abitante Ai-Lele Hun halerik ba bee-moos

0 views

Abitante aldeia Ai-Lele Hun, suku Camea, munisípiu Díli, durante tinan barak nia-laran halerik ba bee-moos no estrada dezde tempu Portugés to’o ohin loron, ho nune’e durante ne’e sira konsumu de’it bee matan ne’ebé do’ok uitoan husi sira nia hela fatin.

Xefe suku Camea, Matos da Costa, hateten, bee-moos hanesan nesesidade báziku ne’ebé importante atu fó moris ba ema, maibé komunidade Ai-Lele Hun ne’ebé lokaliza kedas iha kapitál Díli nia fuan ne’e, to’o ohin loron kontinua la asesu ba bee-moos, maske Governu lokál halo ona proposta ba Governu sentrál.

“Iha aldeia ida ne’e, aldeia ne’ebé mukit tebes ba bee-moos dezde uluk kedas ita koalia bei-beik, dezde tempu Portugés to’o ohin loron la asesu bee-moos uza bee moris (bee matan-red) ne’ebé bei-ala husik ba komunidade”, hateten Autoridade Lokál ne’e ba jornalista sira iha suku Camea, sábadu (18-07-2020).

Matos akresenta mós katak, kona-bá estrada, VIII Governu Konstituisional hasoru impase polítiku ne’ebé naruk, tanba ne’e konstrusaun estrada sira paradu to’o ohin loron no tanba Governu la’o ho Dotasaun Orsamentu Temporáriu (DOT).

Vise Ministru Óbras Públikas (MOP), Nicolau Lino Freitas Belo, rekoñese, autoridade lokál haruka ona proposta mai ministériu, maibé tuir tékniku katak iha foho leten difísil atu hetan bee-moos.

“Iha proposta ita atu foti bee husi Hera, ha’u komunika direta ho ha’u nia Diretór Jerál no Nasionál, ami konsege to’o duni iha fatin ne’e, husi pareser tékniku sira hateten mai ha’u katak, difísil bainhira ita atu fura bee iha foho leten, sé ita buka alternativa sa’e mai nia kustu boot tebes”, tenik Governante.

Suku Camea kompostu husi aldeia 13, maibé xefe família iha bairu Ai-Lele Hun hamutuk 200 resin.

Entretantu problema la asesu bee-moos iha Díli laran, la’ós de’it iha suku Camea, maibé abitante suku seluk iha Díli laran barak mak seidauk asesu fornesimentu bee-moos husi Servisu Agua no Saneamentu. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker