Observadór Polítiku Universidade Nasional Timor-Leste (UNTL), Camilo Ximenes, husu Primeiru Ministru (PM),Taur Matan Ruak, atu kontrola membru Oitavu Governu ne’ebé kolokadu ona iha kada ministériu, tanba ministériu balun koloka sala ema.
Governu VIII ne’ebé lídera husi Primeiru Ministru, Taur Matan Ruak, kompleta ona nia estrutura Governu hamutuk 43.
Maibé, Akadémiku UNTL, Camilo Ximenes husu Xefe Governu atu labele kontente ho estrutura governu ne’ebe kompleta ona, maibé tenke kontrolu nafatin membru governu sira ne’ebé kolokadu ona iha liña ministériu, tanba koloka sala ema sei sai problema iha futuru.
Tuir observadór polítiku ne’e, maske membru oitavu governu barak, maibé bainhira laiha kapasidade, sei fó impaktu ba ezekusaun Orsamentu Jeral Estadu.
“Ita labele halimar ho povu ida ne’e, tanba povu ida ne’e mak eleza ita sira atu ba ukun, atu di’ak ne’e karik primeiru ministru labele satisfaz kompleta tiha ona nia kontente, maibé tenke haree no kontrola ninia ema sira ne’ebé nia koloka, tanba nu’udar PM nia bele iha planu no programa bele di’ak, maibé kuandu koloka sala, tanba partidu ne’ebé mak iha aliansa, koloka sala abanbainrua ema tau kestaun ba nia nafatin, tanba ne’e, ha’u fiar katak sé nia haree di-di'ak ida ne’e, ha’u hanoin bele susesu, ha’u impresta de’it nia liafuan ne’ebé mak kareta uluk roda 3, maibé agora kompleta ona roda 4, ha’u konkorda nia filosofia, maibé ha’u aumenta tan mikrolete labele dada fali kontainer”, deklara, Observadór Polítiku UNTL, Camilo Ximenes ba GMN, iha Kampus FASPOL-UNTL, Caicoli, Tersa (14/07).
Governu VIII kompleta ona nia estrutura governu hamutuk hat nulu resin tolu (43), mai husi Partidu FRETILIN, PLP, KHUNTO no PD. Ina
