GMN TV Sosiedade Dioseze Díli ho MTCI loke hikas Santuáriu Ramelau

Dioseze Díli ho MTCI loke hikas Santuáriu Ramelau

0 views

Dioseze Díli hamutuk ho Ministériu Turismu Komersiu no Industria (sigla portugues-MTCI), loke hikas vizita ba sarani sira ne’ebé hakarak atu halo vizita ba Santuario Ramelau, hafoin taka provizoriu iha periodu Estadu Emerjensia relasiona ho surtu covid-19.

 “Santuario Ramelau ema hotu nian no iha foho Ramelau tau ona illas Nain Feto ho múzika Nain Feto Ramelau, entaun ba vizitante sira ne’ebé atu halo vizita ba Ramelau tenke hakru'uk ba regra, ne’ebé antes ne’e Dioseze Díli ho MTCI tau ona”, dehan Arsebispu Metropolitanu Dili, Dom Virgílio do Carmo da Silva, SBD, ba jornalista sira, Kuarta (01/07/2020), iha Bidau, Díli.

Arsebispu hatete, vizitante sira ne’ebé atu ba vizita Santuario Ramelau tanba loke fali ona, maibé tenke kumpri regra hanesan labele soe foer arbiru no respeita ambiente iha Ramelau, tanba Ramelau la’os fatin atu ba namora buka halo buat oin-oin, maibé Ramelau hanesan fatin lulik atu reza no halo peregrinasaun.

Nune’e mós, Padre Ângelo Salsinha, hatete, Ramelau hanesan fatin turizmu relijiozu, entaun sarani sira ne’ebé vizita iha Santuario Ramelau tenke hatudu atitude nu'udar sarani no kuidadu ambiente, inklui tenke uza máskara bainhira vizita ba Ramelau.

“Iha Ramelau rituál ne’ebé mak la tuir doutrina Igreja Katólika nian labele ba halo iha Ramelau hodi kria kunfuzaun, tanba ne’e regra no planu uma kreda nian ba sarani sira atu ba reza tuir tradisaun uma kreda nian bele ba, maibé ho tradisaun la tuir uma kreda nian ba buka fatin seluk”, afirma Padre Ângelo Salsinha.

Padre ne’e haktuir, Ramelau fatin ida halulik ona ba devosaun uma kreda nian hodi hanorin doutrina no fiar uma kreda nian hodi hetan grasa bensa no matak malirin ba ita nia família no ita nia rai.

Husi parte seluk, Diretór Jeral Turismu, José Quintas, haktuir, MTCI loke hikas vizita ba sarani sira atu vizita ba Ramelau iha loron 27, fulan Juñu, bainhira Estadu Emerjensia remata, nune’e sarani sira ne’ebé hakarak ba vizita bele ba fali.

“Ami halo koordenasaun ho Dioseze hodi hato’o fali ba públiku ofisialemente, sitiu Santuario Ramelau loke hikas fali ona, maibé sarani sira tenke mantein nafatin regras prokoloku prevensaun covid-19, inklui regra jestaun iha Nain Feto Ramelau”, esplika José Quintas.

Nia dehan, kona-ba regra MTCI iha jestor no seguransa iha Ramelau, entaun ba vizitante sira ne’ebé la kumpri regra refere mak parte seguransa sei la fó tama no sei haruka fila. Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker