Governu liu husi Diresaun Nasional Água no Saneamentu (DNAS) sei uza orsamentu tinan 2021 halo kanalizasaun bee moos ba Postu Administrativu sira iha Timor-laran tomak liu-liu komunidade iha área remota sira.
Governu mos sei implementa régra rigoroza ba komunidade iha Díli no Munisípiu sira hotu.
“Iha tinan 2021 Ministériu Obras Públikas sei tau orsamentu hodi rezolve bee moos iha Timor-Leste, maibe antes atu rezolve harii uluk ekipa task force atu identifika fatin sira ne’ebé mak durante ne’e komunidade la asesu ba beemoos liu-liu iha área urbana sira hotu atu halo kanalizasaun beemoos ba sira nune’e komunidade bele asesu beemoos no sei tau mós kontador nune’e populasaun sira bele selu ba estadu”,hateten Diretor Nasional Água No saneamentu, Eduardo Dias ba GMN iha nia knaar fatin, Kaikoli, Díli (27/07).
Diretor Nasional ne’e mos informa, MOP sei estabelese lei no regra atu bele kontrola komunidade sira ne’ebé gosta estraga kanu tanba ne’e husu ba Autoridade Lokal sira atu kontrola komunidade sira ne’ebé gosta estraga kanu hodi afeta sira seluk.
“Iha loron ida fulan abril ne’e Ministru Óbras Públikas lori ona proposta dekretu lei no aprova ona iha konsellu Ministru ba régra sira atu utiliza beemoos iha timor-laran tomak katak Eduardo.
Entretantu sntes ne’e komunidade balun iha kapital Díli no Munisípiu sira preokupadu loos ba bee moos, tanba diresaun SAS seidauk halo kanalizasaun bee moos ba komunidade liu-liu sira ne’ebé iha área remotas.aba
