Arsebispu Metropolitanu Arkidioseze Dili, Dom Virgílio do Carmo da Silva, SDB, hateten Igreja Katólika firme kontra nafatin serimónia rituál sira ne’ebé halo hodi dada ses ema husi dalan los.
Líder máximu Dioseze Díli hato’o lia hirak ne’e hafoin simu vizita Prezidente Parlamentu Nasional, Aniceto Guterres, Kuarta (01/07), iha ninia rezidénsia, Bidau, Lecidere, Díli.
“Sé sarani ruma mak uza kahur buat ne’ebé mak rituál uma-kreda ninia ho rituál ne’ebé lulik ninia, buat hotu hodi destroi ka dezorienta sarani sira husi nia dalan ba sarani ninia ne’e, uma kreda tenki ho nia liafuan atu dehan katak,sarani la la’o iha dalan ne’ebé los ne’e duni ita inventa ritu ruma ne’ebé tuir ita nian atu atrai ema atu hadok ema husi Maromak nu’udar Bispu nu’udar uma kreda hau tenki hatete ida ne’e dehan la los, ita tenki buat ne’e atu la’o dalan los”, hatete Arsebispu Dioseze Dili, Dom Virgílio do Carmo da Silva, SDB.
Dom Virgílio, apela ba sarani sira ne’ebé hala’o serimónia rituál oin-oin, ne’ebé kahur ho rituál uma kreda nian ne’e, igreja konsidera la los, tamba influensia ema atu la’o ses husi dalan sarani Katólika nian no husu ba sarani sira atu labele monu ba influensia oi-oin ne’ebé hala’o husi ema no grupu balun, maibé tenke nafatin kontinua hametin fiar iha ida-idak nia vida moris no iha família.
Responsavel maxímu Dioseze Díli ne’e hatete, bandu atu ema kahur serimónia rituál oi-oin ho rituál uma kreda nian. Ema ne'ebe kahur rituál oi-oin ho rituál uma kreda nini'an ne’e hatudu fiar ba Maromak laiha ona.
Antes ne'e, mosu kritika husi Amu Domingos Maubere ba Konselleiru Máximu partidu KHUNTO ho ninia grupu ne’ebé halo rituál oi-oin hodi hasai ran ba ema hemu (juramentu), ne’ebé konsidera kontra doutrina igreja.
Maibe bankada KHUNTO hato’o ninia lamentasaun ba kritika Amu Domingos Maubere nian ne’e, tanba la kontra lei kanóniku, li-liu Nai Maromak nia ukun fuan 10 no igreja ninia ukun fuan lima (5). Tos
