GMN TV Sosiedade FONGTIL: Tinan 10 Governu la konsege implementa PEDN ho di’ak

FONGTIL: Tinan 10 Governu la konsege implementa PEDN ho di’ak

0 views

Diretor Ezekutivu Forum Organizasaun Naun Govermental Timor-Leste (FONGTIL), Daniel Santos do Carmo, informa, FONGTIL deskobre durante tinan 10 nia laran, Governu seidauk bele implementa Planu Estratéjiku Dezenvolvimentu Nasionál (PEDN) periódu 2011-2030 ho di’ak.

“ONG forum halo ona avaliasaun ba tuir prespektiva ba PEDN 2011-2030 fokus ba setór 4 hanesan edukasaun, saúde, agirikultura no infrstututura, ita foka ba infraestutura báziku, husi avaliasaun ne’e ita deskobre tinan 10 implementa PEDN ita seidauk atinji ho di’ak no ami preokupa ho kapasidade entidade Governu ni’an la intende di-di’ak, ne’e mak bele dehan sei la atinji PEDN ho di’ak”, Diretor Ezekutivu FONGTIL hato’o informasaun ne’e liu husi workshop nasionál aprezentasaun rezultadu avaliasaun FONGTIL ba implementasaun no atinjimentu PEDN periódu 2011-2020, iha salaun Parokia São José Catedral Vila Verde, Díli, Kinta (23-07-2020).

Tuir Daniel, planu estratéjiku dezenvolvimentu nasionál labele atinji, tanba iha problema tolu (3) hanesan kapasidade institusionál ministériu ni’an, situasaun impase polítika ne’ebé gasta ona tempu barak no kapasidade entidade Estadu ho Governu hodi intende planu ne’e rasik.

“Iha setór saúde ni’an hateten tinan to’o 2020 populasaun sira hela família 1500 to’o 2000 sira iha postu saúde ida, maibé ne’e seidauk halo, maske halo postu saúde duni, maibé pakote seidauk kompletu hanesan laiha rekursu umanu ne’ebé adekuadu. Iha setór infraestutura báziku bee no saneamentu iha PEDN hateten, iha tinan 2020 populasaun porsentu 80 bele asesu bee ho adekuadu, maibé agora seidauk sintina sira iha eskola bee laiha. Ba agrikultura mós mensiona iha PEDN to’o 2020 Timor-Leste bele esporta karau ba nasaun seluk, maibé laiha relatóriu ida mak hateten esporta ba liur no seguransa ai-han ne’e laiha, no malnutrisaun kontinua eziste iha rai ne’e”, tenik Diretor Ezekutivu FONGTIL ne’e.

Koordenador Gabinete Apoiu Sosiedade Sivíl, Filipe da Costa, hateten, sei utiliza di-di’ak rezultadu avaliasaun periódu 2011–2020 ne’ebé mai husi sosiedade sivíl sira, hodi kontribui ba implementasaun planu estratéjiku dezenvolvimentu nasionál ne’ebé hela de’it tinan 10.

“Tanba planu ne’e ita mak halo no tenke halo esforsu hotu hodi alkansa no ha’u fiar katak ita iha posibilidade tomak, tanba ita iha Governu ne’ebé kompletu iha Prezidente Republika, Parlamentu Nasionál no ita prepara ona Orsamentu Jerál Estadu (OJE) tinan 2020 no 2021, ita mós iha rekursu nato’on ona la hanesan tinan 2004, ita mós iha parseiru barak no asuntu sira ne’ebé ita temi la dook husi ODS, nune’e ida ne’e periódu ne’ebé ita koalia fali kona-á oinsa atu atinji PEDN”, dehan nia.

Husi workshop ne’e FONGTIL aprezenta mós livru avaliasaun ba implementasaun PEDN periódu 2011–2020 iha setór 4 hanesan edukasaun, saúde, agrikultura no infraestutura. Ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker