GMN TV Sosiedade Juramentu KHUNTO ba hametin unidade, Naimori: Ha’u prontu debate empat mata ho amu sira

Juramentu KHUNTO ba hametin unidade, Naimori: Ha’u prontu debate empat mata ho amu sira

0 views

Konselleiru supremu partidu Kmanek Haburas Unidada Nasional Timor Oan (KHUNTO), José dos Santos Naimori Bukar, deklara, objetivu husi juramentu ne’ebé nia ho nia grupu halo hodi hametin unidade nasionál, no prontu los ona atu debate ho amu sira oin ho oin.

Naimori mos hatete, nia hanesan ema Katóliku sempre fiar ba Maromak no ema Katóliku ninia simblu mak kruz. Tanba ne’e nia hakarak hasoru amu sira hodi esplika sentidu husi ninia organizasaun Kmanek Oan Rai Klaran (KORK) ne’ebé tau simblu kruz refere.

Tuir Naimori, nia la kontra doutrina Igreja Katólika nian hanesan amu sira hatete ba nia, tanba nia moris mai sarani hanesan ema Katóliku ona.

“Tanba Katólika barak la halimar (iha ne’e). Mai husu took ema sira ne’ebé husi Islam ba Katóliku barak la halimar ida ne’e sala? Enkuantu nia ema sira ne’ebé husi Islam ba Katólika prontu ba koalia ho amu sira, amu sira koalia ne’e lori ema Islam hira mak tama ba Katólika, maibe Naimori ne’ebé amu konsidera la fiar Katólika, lori ema Islam tama ba Katólika. Ha’u prontu deit kualker tempu, Apalagi atu debate empat mata, mos bele deit tanba ita mos fiar hotu, tanba amu mos fiar ninian, ha’u mos fiar ha’u nian, maibe fiar ba kruz hotu. Amu lori kruz ha’u mos lori ha’u nia kruz, la’os amu mak lori hotu ha’u nia kruz, ida-idak nian kruz ida-idak lori, amu lori kruz hanesan ita hotu hatene bibi-atan ne’ebé serví ba povu sira, liu-liu sarani oan sira ha’u mos lori ha’u nia kruz tanba ha’u-nia fiar rasik”, salienta Naimori.

"Ha’u klarifika lolos liu-liu ba amu sira ne’ebé iha Timor laran atu kompriende no hatene  saida mak ha’u la’o, kruz ida ne’ebé ha’u tau iha ha’u nia farda ne’e la’os  agora, maibe okupasaun Indonézia ha’u tau tiha ona, iha okupasaun Indonézia amu sira nunka hasee,  tanba iha ukun-an ida ne’e tinan kotuk liu ba mos amu sira la hasee, ohin iha Oitavu Governu haree KHUNTO ba oin ona amu sira hasee, ida ne’e mak knaar amu sira nian ka? keta amu sira mos uitoan-uitoan ba iha polítika karik”, dehan Naimori Bukar ba jornalista sira, Sábadu (04/07/2020), iha Suku Soro, Postu Adminitrativu Ainaro Vila,  Munisípiu Ainaro.

Nia realsa katak, amu sira iha devér para haklaken tutan evanjellu maromak ninian  ba ema hotu-hotu.

“Buat ida kruz ne’e la’os ba amu de’it, kruz ne’e mos la’os ba ema se deit sempre lori kruz. Tanba kruz horik nafatin, kruz ne’e la signifika katak ema ne’e fiar ema ne’e Jentiu ou la Jentiu, kruz ne’e ba ema hotu-hotu. Devér nu’udar sidadaun ne’ebé fiar katak kruz ne’e sempre lori ezemplu deit kuandu halai ba iha Islam tau Islam nian, Hindu tau Hindu nian, Katólika tau Katólika nian. Katólika nian mak kruz, Islam nian tau fitun ho fulan, tanbasa mak amu sira tenke koalia, se la hatene karik mai husu ha’u para klarifika buat ne’e atu hatene lolos, ida ne’e klarifika ba públiku atu hatene saida mak kruz ne’ebé ami lori”, subliña Naimori.

Konselleiru máximu KHUNTO ne’e fundamenta, organizasaun ninian Kmanek Oan Rai klaran (KORK) lori ema husi Islam no Protestante no mos Katólika mak barak.

Naimori hatutan, nia tau kruz ida ne’e tanba nia fiar nain Katólika, ema Islam oras ne’e tau nia fitas mos iha fitun ho fulan, atu hatete katak nia mai husi Islam. Tanba ne’e nia sujere ba Amu sira presiza husu, para nia bele klarifika lolos, ema ne’ebé  mak la normal mak dehan nia sai husi relijiaun Katólika.

“Ema ne’ebé la iha sentidu ba paz, laiha konsiensia moral hatudu nia aan la’os sidadaun ida ne’ebé diak, ema ne’e fiar dala ida, moris ne’e dala ida, mate mos dala ida sarani dala ida no la sarani dala rua, liu liu ba Bispo nain tolu nu’udar bibi atan diak, atu servi no hanorin sarani sira ho diak, hodi tau sarani sira iha dalan sentru fiar nian. Juramentu mak harii unidade nasional, juramentu iha partidu KHUNTO hodi hatete dehan katak, se mak hakarak tama ba partidu KHUNTO halo juramentu ida katak la iha Lorosa’e, laiha Loromonu no la iha grupu, la iha KORK, PSHT, Kolimau, Sete-Sete ou Kera Sakti. Ita ne’e inan ida, aman ida, ne’e mak hatete dehan husar talin la koa no neras la fahe Timor ne’e  ida deit”,tenik Naimori.Oly


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker