GMN TV Sosiedade KHUNTO apoia USD 3200 ba Parókia Nossa Senhora de Graça Laclubar

KHUNTO apoia USD 3200 ba Parókia Nossa Senhora de Graça Laclubar

0 views

Konselleiru máximu partidu Kmanek Haburas Unidade Nasionál Timor-Oan (KHUNTO), José dos Santos “Naimori Bucar”, hamutuk ho Prezidente partidu, atuál Vise Primeiru Ministru (PM), Armanda Berta, inklui estrutura partidu, hala’o vizita ofisiál ba igreja Parókia Nossa Senhora de Graça Laclubar, hodi fó apoiu osan USD 3200 ba parókia refere.

Naimori, hateten, vizita ne’e bazeia ba pedidu ne’ebé antes ne’e Parókia haruka ba partidu KHUNTO, atu apoia fasilidade balun ne’ebé seidauk kompletu iha parókia ne’e.

“Iha ne’ebá sira nia proposta ne’ebé mak ita nia igreja Laclubar ni’an, sira halo proposta ida ba iha ha’u, atu husu apoiu kona-bá kadeira, tanba sira nia kadeira iha ne’ebá kleur ona, kadeira masa, dalaruma balu tohar, tanba kleur teb-tebes, entaun sira presiza ai, ne’e mak ohin ita ajuda uitoan orsamentu ba igreja”, Konselleiru máximu partidu KHUNTO ne’e iha postu administrativu Laclubar, munisípiu Manatutu, Sábadu (25/07/2020).

Husi sorin seluk, Pároku Nossa Senhora de Graça Laclubar, Pascoal Natalino Soares, agradese ho vizita estrutura partidu KHUNTO ni’an ne’e, tanba bele responde pedidu ne’ebé antes ne’e parókia husu, atu apoia fasilidade ba parókia.

“Alende ne’e ami sarani husi Laclubar haruka proposta ida ba nia, hodi ajuda kadeira ba igreja, ho nune’e, nia sei oferese 20 kadeiras USD 3200. Tanba ne’e, ami nafatin buka meius oi-oin atu husu nafatin ba sé de’it hakarak ajuda, ami ho disponivel simu ajuda sira ne’e”, dehan Pároku Nossa Senhora de Graça Laclubar ne’e.

Padre Pascoal Subliña, antes ne’e parókia haruka ona pedidu ba Konselleiru máximu partidu KHUNTO, atu apoia kadeira hamutuk 30 ba Nossa Senhora de Graça Laclubar, maibé partidu responde de’it kadeira 20, ho totál USD 3200.

Naimori inaugura kampu voleibol iha suku Orlalan

Konselleiru máximu partidu Kmanek Haburas Unidade Nasionál Timor-Oan (KHUNTO) hamutuk ho estrutura partidu ofisialmente inaugura kampu voleibol ida iha suku Orlalan, postu administrativu Laclubar, munisípiu Manatutu

Naimori, hateten, ho kampu voleibol ne’e bele halibur juventude iha suku refere, atu kria paz no estabilidade iha suku no postu rasik, hodi kontribui ba dezenvolvimentu nasionál.

“Família ida ne’ebé mak ita hotu haree ba futuru no nasaun ida ne’e, atu nune’e ita mós prepara kontribui paz ho dame, kontribui estabilidade ba ita nia nasaun, nune’e mós kontribui ba ita nia Estadu rasik. Tanba nasaun presiza hakmatek, tenke koopera malu, nune’e bele sai família ida ne’ebé iha esperansa ba futuru oin mai”, dehan Konselleiru máximu KHUNTO ne’e ba jornalista sira iha postu administrativu Laclubar, munisípiu Manatutu, Sábadu (25/07/2020).

Husi sorin seluk, reprezentante juventude iha suku refere, orgullu ho kampu voleibol refere, tanba bele hakbi’it ona sira nia talentu iha área desportu.

“Konselleiru máximu no Prezidente partidu KHUNTO mai halo inaugurasaun, para nune’e atu kapasita sira nia talenta, liu-liu juventude rai Laclubar”, dehan Pionelson Pereira.

Enkuantu, kampu voleibol ne’e kostrui, tanba inisiativa husi militante partidu KHUNTO rasik no mós hetan apoiu fundu husi Konselleiru Naimori Bucar, nune’e kona-bá montante osan, Naimori lakohi fó informasaun, tanba nia konsidera hanesan ajuda ida. San


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker