GMN TV Sosiedade Naimori hakarak debate ho padre sira, Dom Virgílio: Uma kreda nia odamatan nakloke

Naimori hakarak debate ho padre sira, Dom Virgílio: Uma kreda nia odamatan nakloke

0 views

Arsebispu Arkidioseze Metropolitana Díli, Dom Virgílio do Carmo da Silva SDB, hateten,  uma  kreda  nia odamatan nakloke hodi koalia ho konsileiru  supremu partidu Kmanek Haburas Unidade Nasionál Timor Oan (KHUNTO), José  do Santos ‘Naimori’ Bukar.

Dom Virgílio do Carmo hato’o lia hirak ne’e,  relasiona ho deklarasaun Naimori  ne’ebé mak hato’o iha  Sábadu (04/07/20) ba públiku katak, nia hakarak  debate empat mata ho Amu sira, kona-ba amu sira-nia preokupasaun juramentu  militante ba partidu KHUNTO liu husi hemu ran no uza atributu kruz no mos  batina.

Arsebispu Arkidioseze Metropolitana Díli ne'e esplika, uma  kreda seidauk hasai  deklarasaun ofisiál hodi kondena Naimori. Maibé  Naimori hakarak debate ho amu sira, uma kreda nia odamatan  nakloke.

“Uma kreda em nome episkopal seidauk hasai deklarasaun ruma ne’ebé kondena ka hodi dehan buat ruma  la’o los, iha ema ruma ka bele hasai, maibé nu'udar uma kreda seidauk hasai. Ne’e duni  sé relasiona ho deklarasaun señor Naimori nian hakarak hakbesik hodi koalia, Igreja nakloke ba saida de'it ita koalia, maibe uma kreda nafatin hakuak ema hotu nu'udar ema sarani Timor-Oan, dala ruma buat ruma la’o, ita buka atu halo esplikasaun ba malu atu bele kompriende ita-nia dezentendimentu sira ne’e to’o iha ne’ebé, molok  ita buka atu dehan sala ka los, maibé ita buka uluk lai hodi rona malu”, Dom Virgílio do Carmo,  ba jornalista sira Tersa (07/07/20), iha rezidénsia Lecidere Dioseze Díli.

Alénde ne’e, Dom Virgílio rekoñese, Naimori  uza atributu kruz no batina iha tempu  klandestina  atu nune’e justifika ba  Indonézia nian katak, aktividade sira ne’e Igreja nini'an. Maibé  amu Bispu dehan, agora tempu liu ona,  sasán sira Igreja ni'an buka atu tau iha nia fatin.

“La’os señor Naimori de’it mak uza, maibé iha grupu oin-oin mós, polítika  sira  barak mós uza batina, tanba situasaun obriga, maibé ita atu dehan katak, situasaun klandestina liu tiha ona, ita tenke tau buat ida-idak iha ninia fatin, ne’e duni tempu ida karik ita bele, maibé agora liu ona, ita buka oinsá tau sasán Igreja nian ita tau iha fatin, buat ne’ebé  ritus nini'an tau iha fatin,” dehan Dom  Virgílio do Carmo.

Iha loron 30, fulan Juñu, tinan ne’e, padre Domingos Maubere, hato’o nia lamentasaun ba militante sira ne’ebé mak halo juramentu ho ran, ba iha partidu KHUNTO. avi


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker