GMN TV Sosiedade Oscar Lima: PN presiza kria lei reforsa setór privadu

Oscar Lima: PN presiza kria lei reforsa setór privadu

0 views

Prezidente Kámara Komérsiu Indústria (CCI-TL_sigla portugues), Oscar Lima Oscar, husu Parlamentu Nasionál (PN) atu kria lei ida atu reforsa setór privadu sira, tanba durante ne’e CCI-TL hala’o kna’ar ho de’it rezolusaun.

“Ami husu ne’e, tanba iha ami-nia rezolusaun, Governu fó ami-nia kna’ar liu husi rezolusaun númeru 17/2012 iha ona, maibé ami husu hasa’e rezolusaun ne’e ba lei ka dekretu-lei. Rezolusaun ne’e kona-bá kna’ar CCI-TL ni’an, tanba CCI-TL iha rai hotu-hotu ne’e iha lei, ita-nia sei ho rezolusaun hela”, Prezidente CCI-TL ne’e ba jornalista iha Parlamentu Nasionál (PN), Kuarta (22-07-2020).

Oscar subliña, CCI-TL tenke hala’o kna’ar ho lei ka dekretu-lei, tanba iha rai barak kámara komérsiu indústria moris ho lei, la’ós ho rezolusaun Governu.

“Ami haruka ona advogadu no la kleur ami mai aprezenta iha ne’e, nune’e parlamentu bele halo aprovasaun hodi sai lei, lalika sai rezolusaun”, tenik Prezidente CCI-TL ne’e.

Nia akresenta, CCI-TL mos hato’o preokupasaun setór privadu Timor-Oan nini’an ba Prezidente Parlamentu Nasionál (PN), hodi tau iha konsiderasaun.

“Durante ne’e preokupasaun kona-bá lei aprovizionamentu ho pra-kualifikasaun ne’e la haan-malu, tanba orsamentu ho montante USD millaun 1.1 ba leten fó ba empreza internasionál. Nune’e mós iha pra-kualifikasaun USD millaun 7 ba kraik ne’e ba nasionál, ne’e sai preokupasaun boot, tanba ne’e mak CCI-TL hanoin tenke rezolve tiha problema ida-ne’e, sé lae la fó benefísiu ba emprezáriu Timor-Oan sira. Lei aprovizionamentu no pra-kualifikasaun Governu mak la implementa, ita halo lei, maibé ita la implementa ne’e problema ida, ida-ne’e ami kontinua hakilar nafatin to’o tenke implementa depois lei aprovizionamentu ne’e tenke hasa’e ona kapasidade emprezáriu Timor-Oan sira ni’an, agora kapasidade emprezáriu Timor-Oan bele kaer projetu USD millaun 15 to’o USD millaun 20, la’ós fó oportunidade bei-beik ba ema li’ur mak kaer projetu boot sira, entaun oho setór privadu”, afirma Oscar.

Prezidente Parlamentu Nasionál (PN), Aniceto Guterres, hateten, PN presiza harmoniza lei atu reforsa nafatin setór privadu sira.

“Iha lei barak entre lei ida ba lei seluk la han-malu, karik presiza harmoniza no presiza mós atu kompleta sira ne’ebé seidauk iha, karik presiza iha, PN sei halo hodi kompleta kuadru legal, nune’e fó fatin ba setór privadu hodi dezempeña sira-nia papél ho di-di’ak. Lei pra-kualifikasaun no lei aprovizionamentu presiza harmoniza, tanba la han-malu, nune’e setór privadu bele partisipa no kontribui efetivamente. Iha CCI Indonézia ni’an iha lei, tanba ne’e, CCI-TL tenke iha instrumentu legal, hodi atribui papél ba setór privadu Timor-Oan sira”, tenik Aniceto.

Enkuantu lei ne’ebé PN presiza atu haree mak lei aprovizionamentu ho pra-kualifikasaun ne’ebé la han-malu, tanba orsamentu ho montante USD millaun 1 ba leten fó ba empreza internasionál. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker