GMN TV Sosiedade Padre Graciano: Sarani sira elimina hahalok destroi sosiedade-nasaun

Padre Graciano: Sarani sira elimina hahalok destroi sosiedade-nasaun

0 views

Paróku igreja Balide, Graciano Santos Barros, apelu ba sarani Katólika sira iha Timor-Leste atu elimina hahalok ne’ebé destroi sosiedade no nasaun, tanba ho ezisténsia Parókia Balide tinan 75 ne’e, sarani sira presiza servisu maka’as, nune’e bele moris ho hakmatek no iha dame nia laran, atu nune’e fiar ne’ebé mak kuda tiha ona bele metin no buras ba nafatin.

“Ita buka atu elimina no halakon hahalok sira ne’ebé mak bele lori ba destroisaun ita nia moris sosiedade no ba ita nia nasaun, hahalok sira arogánsia, foti-an, la fó liman ba malu no la rona malu, buka destroi no estraga malu, hahalok sira ne’e buka atu halakon ita. Nakloke ba Maromak nia liafuan sira, rona Na’i Jesus sei ajuda ita atu sai ema sarani”, Paróku igreja Balide ne’e liu husi ninia omília bainhira prezide misa abertura no lansa programa ba festa aniversáriu tinan 75 ezisténsia Parókia Balide, Domingu (05-07-2020).

Padre Graciano afirma mós katak, sarani sira tenke haree fali atitude ne’ebé diak iha Maromak nia futar oin no tenke hakbesik ba Maromak, tenke agradese ba Maromak, atu nune’e bele hado’ok-an husi hahalok aat hotu.

“Ohin dala ida tan fó hanoin fali mai ita, loke abertura misa ida ne’e ba festa tinan 75 ezisténsia parókia ida ne’e ni’an, saída mak ita halo, ita simu buat barak husi Na’i Maromak liu husi ita nia parokia. Labarik barak hetan batismu no barak maka sai ona ema sarani, lubuk ida simu Na’i Maromak nia futar liafuan, sira husi parokia koñese Maromak liu husi Na’i Lulik, liu husi katekista ou ema sira ne’ebé dedika-an servisu iha parokia, ida ne’e liu husi madre sira”, Pároku Balide ne’e.

Padre ne’e subliña mós katak, fiar ba Maromak no unidade entre parokianu ne’e importante tebes, atu nune’e servisu uma kreda no ba servisu ba sarani sira sira nia diak ne’e mak finalidade ezisténsia husi harii parokia ida ne’e.

Hafoin misa, Paróku Balide hamutuk ho autoridade lokál no sarani sira halo abertura no lansamentu programa ba festa bodas ne’ebé sei realiza hodi selebra aniversáriu parókia Balide no aktividade hirak ne’e mak hanesan hala’o semináriu, dramatizasaun, hakerek istória ezisténsia tinan 75 parókia Balide, kompetisaun korál, lee bíblia, kompetisaun suku saudável, reflesaun no konfisaun iha suku ida-idak, santa misa, animasaun divertimentu, tour relijiozu, kompetisaun pintura no tour mundial. ety


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker