Paróku Sagrado Coração de Jesus (SACROJES) Domingos Maubere, husu deskulpa ba sarani sira, tanba, nu'udar Paróku nia senti sala tebes ba sarani sira, tanba labele haree no proteje ilas nain feto, hodi hetan estragu husi ema deskoñesidu.
“Ita tenki hatene lolo’os sé maka kulpadu iha akontesimentu ida ne’e..? sé maka kulpadu iha akontesimentu ida ne’e, ha’u ata rasik, ha’u maka parku, ha’u maka parku ne’e duni, ha’u husu deskulpa, uluk nanain ba maromak, padre filho, esperitu santo, ha’u monu ain, monu ain ba ita nain feto,”deklara, Padre Domingos Maubere, liu husi diskursu hafoin misa agradesimento ba loron padroeiru SACROJES, Tersa(01/07/2020), iha Igreja Becora.
Amu Domingos hatutan, nia husu deskulpa ba sarani hotu, ho esperansa katak akontesimentu ne’e sei la akontese tan.
“Ha’u monu ho katak, ho lia nain sira, deskulpa mãe, deskulpa ba inan doben, ami toba la hader, ami haluhan, ami husik ita bo’ot nia fatin, ema seluk bele mai estraga, ne’ebé ha’u monu ain husu deskulpa, ha’u husu deskulpa ba sarani tomak Becora ninian, imi do’ok, ha’u mak iha ne’e”, dehan, padre Domingos Maubere.
Enkuantu iha loron 5, fulan Juñu, estatua Nossa Señora hetan estragu husi ema deskoñesidu no iha loron 30, fulan Juñu, sarani parokia Becora, halo seremonia rituál hodi hatu’ur hikas illas Nossa Señora de Loudres ba nia fatin. Jen
