GMN TV Sosiedade Padre Maubere: Lei kanóniku fó dalan ba Na’i Lulik sira koalia polítika

Padre Maubere: Lei kanóniku fó dalan ba Na’i Lulik sira koalia polítika

0 views

Padre Domingos Maubere rekoñese, Na’i Lulik sira labele harii partidu no envolve iha partidu polítiku, maibé bele koalia polítika, tanba lei kanóniku fó dalan.

Informasaun ne’e Padre Domingos Maubere hato’o relasiona ho deklarasaun segundu Vise Prezidente Parlamentu Nasionál (PN), Luís Roberto da Silva, ne’ebé kontra igreza Katólika iha Timor-Leste koalia polítika.

“Ha’u hanoin buat sira ne’ebé mosu hasoru igreja ka koalia buat sira ne’e, ami hanoin nafatin ba iha liafuan Jesus ni’an ne’ebé dehan molok nia atu mate iha kruz, “Nai Perdua sira, tanba sira la hatene saída mak sira halo”, ne’e duni ami halo reflesaun katak dalaruma igreja mak ladun hala’o nia kna’ar ho di-di’ak. Ami nia batina mak la’ós halo ami sai padre no kna’ar ida ne’ebé ita tenke destingue ne’e mak halo polítika ne’e oin ida, koalia hanorin polítika ne’e oin seluk, ne’ebé halo polítika ami labele halo polítika, ba direitu kanóniku dehan ami labele loke partidu polítiku, ami labele sai líder polítiku, labele asosia ba partidu ruma, ne’e iha direitu kanóniku 285 hateten duni ami labele halo buat sira ne’e, maibé ami mos bele iha fali kódigu 287 bele, kuandu se presiza duni bele, tanba ami iha prosesu, kona-bá hanorin ne’e ami nia kna’ar atu envolve sarani hotu iha polítika”, Padre Domingos Maubere ba jornalista sira iha ninia rezidénsia Parókia Bekora, Sesta (17-07-2020).

Padre ne’e mós hateten, padre sira iha igreza Katólika labele halo polítika atu hetan kadeira, maibé padre sira mós iha papél importante hodi koalia polítika ne’ebé atu eduka sarani sira hotu la’o tuir doutrina Katóliku no bele envolve iha vida polítika.

Maibe nia rekoñese mós katak, ho situasaun ne’e bele fanun bibi-atan hotu atu halo reflesaun di-di’ak ba misaun igreza Katóliku ni’an, tanba dalaruma igreza mós seidauk kumpre di-di’ak kna’ar ne’ebé iha atu eduka sarani hotu tuir dalan uma kreda ni’an.

Padre Domingos Maubere afirma, koalia kona-bá polítika amu Papa rasik mós apela ona ba sarani hotu iha mundu atu halo polítika labele benifísia de’it interese privadu, maibé tenke ba interese komun povu ni’an iha nasaun ida.

Alende ne’e, Amu Lulik ne’e mós, husu ba padre sira hotu tenke haklaken nafatin misaun igreza Katóliku ni’an no eduka nafatin sarani sira hotu atu sai sarani ne’ebé respeitozu iha komunidade nia leet. san


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker