GMN TV Sosiedade Ramos Horta: Tau ema foun troka maun Xanana fó impaktu ba politika negosiasaun

Ramos Horta: Tau ema foun troka maun Xanana fó impaktu ba politika negosiasaun

0 views

Eis Prezidente Repúblika (PR), José Ramos Horta, hateten, se VIII Governu insiste maka’as tau ema foun ruma ba pozisaun ne’ebé Xefe Nogosiadór Prinsipal Fronteira Marítima ho Terestre, Kay Rala Xanana Gusmão, husik hela, sei fó impaktu ba Timor-Leste nia polítika negosiasaun, tanba Xanana Gusmão ema ida iha autoridade.

Diplomata senior  Timor-Leste (TL), José Ramos Horta hato'o asuntu ne'e hafoin partisipa iha atividade diseminasaun informasaun peskiza mármore iha aldeia Ilimanu, munisipiu Manatutu, Kuarta (29/07/2020).

Horta esplika, figura Xanana ema hotu koñese, nune’e fasil atu halo diplomasia ho nasaun seluk, hodi debate no halo negosiasaun ba fronteira marítima.

“Ha’u fiar bele fó impaktu, ne’e la’ós fasil. Iha TL ne’e ho Indonézia, Austrália no Xina, maun Xanana mak ema respeita iha mundu, tau ema foun ruma atu konsege enkontru ministu ruma sei susar, Xanana hakarak hasoru Jokowi ne’e nia hasoru, seluk fali sei susar, diplomasia mak nune’e duni, polítika internasionál mak nune’e duni, Govenru tau foun karik di'ak liu konsulta di-di'ak ho maun Xanana”, dehan Eis PR ne'e.

Premiadu Nobel da Paz ne’e mos husu Governu atu bele tetu di-di'ak desizaun hodi ezonera pesoal sira ne’ebé iha pozisaun importante ba dezenvolvimentu setór petróleu iha Timor-Leste.

“Govenru ne’e iha tinan rua de'it, karik ha’u mak Primeiru Ministru di'ak liu lalika book muda tun-sae, no hasa'i ema, tanbá sira kaer fronteira marítima, autoridade petróleu no Timor GAP ne’e estudu boot sira Timor-Oan sira halo servisu profisional no independente. Ha’u konkorda bele nusa, maibe tenke aproveita sira nafatin la’ós hasai para nia ba estranjeiru entaun sira ba kompañia liur bele hetan servisu kedas no selu dala 10 liu Timor, prosesu la’ós simples tau ema foun halo kontratu ho kompañia boot sira, ne’e la’ós loke restaurante, ha’u hakfodak Governu atu muda derepente, di'ak liu konsentra ba buat ne’ebé prioridade duni”, dehan Ramos Horta, bainhira husu nia pontu de vista ba polítika ekonómika VIII Governu nian.

Antes ne’e Xanana Gusmão hato’o nia ona karta rezignasaun ba Governu, iha loron 10, fulan ne’e, hodi husik hela kargu nu’udar Xefe Negosiadór Fronteira Marítima hafoin Governu Ezonera Francisco Monteiro husi kargu Prezidente Konsellu Administrasaun Timor GAP, iha loron 8, fulan ne’e. Ida


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker