GMN TV Sosiedade Traballadór merkadu Taibesi fulan neen ona la simu saláriu

Traballadór merkadu Taibesi fulan neen ona la simu saláriu

0 views

Traballadóra merkadu Taibesi, Etelviana Fatíma da Conceição, hatete, traballadór sira ne’ebé servisu iha merkadu Taibesi to’o agora kontinua simu orientasaun hala’o servisu, maibe laiha justifikasaun ruma ba kontratu, nune’e tama ba fulan neen nia laran iha tinan ida ne’e, sira la simu saláriu.

Etelvina da Conceição, afirma, hahú husi tinan 2014 to’o  tinan 2019, sira simu saláriu la’o diak los husi Ministériu Turizmu Komersiu no Industria (MTCI-sigla Portugés), maibe hafoin sira remata kontratu servisu iha fulan Dezembru tinan 2019, no tama ba tinan 2020 ne’e laiha informasaun ruma husi autoridade kompetente ba sira-nia distinu.

“Durante ne’e entrega ami ba iha Autoridade Múnisipiu Díli, maibe ami fila fali ba MCIA ka MTCI sira dudu ba malu hela, depois MCIA selu duni ami durante tinan ida remata iha dia 31 de Dezembru ne’e, ami kontinua servisu nafatin iha Janeiru ate agora ami nia dever la’o hela, maibe sira la atende ami ida, ami ba mai dudu ba mai to’o hela agora, ami seidauk hetan asina kontratu to’o agora, tinan kotuk ami la’o ba mai MCIA mak selu duni ami tinan ida nian”,dehan Traballadóra Etelviana Fatíma da Conceição ba Jornalista GMN Segunda  (13/07/2020), iha Merkadu Taibesi.

Nia afirma, husi sira na’in 70 resin servisu iha área limpeza no seguransa iha Merkadu Taibesi. Durante ne’e nia haktuir, entrega ona traballadór hirak ne’e ba Autoridade Munisípiu mak toma konta, maibe autoridade seidauk fó resposta ruma, maka traballadór sira kontinua servísu maske la simu saláriu fulan neen, hodi hein parte relevante sira tau matan ba sira.

Ba kestaun ne’e, Díretor Diresaun Komérsiu Internu, Domingos da Costa Guterres, esplika, kontratu ba funsionáriu hirak ne’e  termina ona iha tinan 2019, no traballadór sira ne’e tama ona ba Prezidente Autoridade nia toma konta, liu liu iha Ministériu Estatal nia tutela.

“Ita la’o hela orsamentu duodésimu, entaun halo funsionáriu sira ne’ebé destakadu iha Merkadu Taibesi, no Manleuana sira ba duni Prezidente Autoridade, liu-liu iha Munisípiu Díli,  maibe sira la iha orsamentu atu responde entaun traballadór nafatin mai iha MTCI, para oinsa fo apoiu no fasilita para bele  buka solusaun ba problema traballadór sira nian. Ami husi Ministériu Túrizmu Komersiu no Industria iha komitmentu atu haree ba sira nia asuntu,  tanba traballadór sira iha merkadu rua ne’e la’o  tempu naruk tebes no sira mos hola parte iha situasaun difisil".

"Uluk iha (Merkadu) Hali-Laran atu muda ba merkadu Taibesi sira-nia kontribuisaun mos, entaun ida mos ami MTCI sempre apoiu liu-liu ba iha Munisípiu Díli buka solusaun tau matan ba sira, liu-liu sira hanesan traballadór oinsa hetan sira-nia saláriu durante fulan hira nia laran. Fulan hira nia laran sira la simu osan entaun ita-nia funsionáriu sira hato’o sira nia karta reklamasaun ba iha Gabinente PM, entaun Gabinete PM fó orientasaun ba iha Inspeksaun Jeral Estadu para halo investigasaun oituan ba kestaun hirak ne’e, liu-liu ba MTCI no mos ba Estatal no Autoridade Munisípiu Díli”, tenik Domingos. Oly


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker