GMN TV Sosiedade Xanana: La konkorda komunista, FRETILIN kastigu Xavier

Xanana: La konkorda komunista, FRETILIN kastigu Xavier

0 views

Komandante Em Xefe FALINTIL iha tempu rezisténsia, Kay Rala Xanana Gusmão, fó sasin katak, partidu FRETILIN kastigu saudozu Primeiru Prezidente RDTL, Francisco Xavier do Amaral, tanba nia la konkorda FRETILIN adopta fali ideolojia komunista iha Timor-Leste.

Eis Prezidente Repúblika Xanana haktuir, saudozu Francisco Xavier Amaral la gosta ideolojia komunista ne’ebé iha momentu ne’eba hateten dehan Maromak laiha.

Líder karismátiku Kay Rala Xanana Gusmão konta hikas istória ne’e hafoin vizita rate saudozu Francisco Xavier do Amaral, iha Suku Kaimauk, Aldeia Railete, Postu Administrativu Turiskai, Munisípiu Manufahi, foin lalais ne’e.

Xanana haktuir istoria katak, iha tempu neba saudozu Francisco Xavier do Amaral la gosta ideolojia komunista, ne’ebé FRETILIN adopta, tanba ne’e maka ema kaer no kastigu nia.

“Estudante (Timor-Oan) sira husi Portugal mai muda ASDT (Asosiasaun Sosial Demokrata Timorense) ba FRETILIN, iha ne'eba hatama ideolojia ne’ebé la fiar Maromak, ideolojia ida ne’ebé dehan partidu ida de’it, labele iha partidu seluk. tanba ida ne’e, avo Xavi (Francisco Xavier do Amaral), ema seminarista ida besik atu sai padre iha Soibada mai iha 1976 diskute, diskute, diskute, nia labele tiha, nia fila mai Turiscai. Ninia prinsípiu mak, nia la simu ideolojia komunista, ideolojia ne’ebé Maromak laiha, partidu ida de’it iha Timor. Nia kontra, kuandu ema ida la kumu liman, nia traidor oho tiha, ema ida la bolu sira seluk kamarada nia traidor oho tiha nia kontra ida ne’e”, dehan líder karismátiku Xanana Gusmão.

Xanana kontinua dehan, iha momentu neba ema sulan saudozu Francisco Xavier do Amaral kuaze tinan ida iha fahi luhan laran.

“Reuniaun iha Lalini maka proklama tiha partidu Marxista-Leninista FRETILIN katak, partidu komunista iha ita-nia rai, labele iha tan partidu seluk, Avo Xavi la ba, tanba nia hatene tiha ona. Nune’e Maiu, Juñu, sira kaer nia, dadur nia, ami balun membru Komite Sentral FRETILIN ami la simu, ami la simu. Ida ne’e mak istória, imi tenke hakerek, ami la simu, tanba komandante didiak ne’ebé oho inimigu barak tanba deit lakohi kumu liman (identidade FRETILIN), sira hasai dehan traidór, tanba momentu ida ne’eba nu’udar partidu komunista ida ita hotu tenke hakru'uk dehan A hot-hotu tenke dehan A, dehan B hot-hotu tenke dehan B. Momentu ne'eba, momentu difisil. ‘Ha’u husu’ ba katuas sira mos tenke konta, konta iha suku katak, ema barak tama kadeia tanba lakohi kumu liman, la bolu kamarada ba malu. Sira sulan katuas Xavier iha fahi-luhan kuaze tinan ida. Ami sira ne’ebé hatene tanba sa mak sira kaer katuas Xavier, ami triste”, dehan Komandante em Xefe Falintil, Kay Rala Xanana Gusmão ba povu sira.

Hafoin ne’e maka Xanana hamutuk ho Timor-Oan sira distribui sasán nesesidade bázika ba komunidade no anima katuas ferik sira iha fatin refere. Nes


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker